: دلیلی کون تصبح ونتبعدا.(ونته بعدا)
اشدوادعی علیهم ونتبعدا(ون تبع دا)
گرب الشوگ اذیه ونتبعدا(وان تبعده)
عنک للگبور اتسیر بیه.
🌹لشاعر صالح الخسرجی
ابقساوه البین کضهه اویای بتل.
دفنی ابتل،شتلی اسیوف بتل.
بحلگ شمات صایر مثل بتل.
شریفه وشیعو نقلین بیه.
🌹لشاعر صالح الخسرجی🌹
[23:22, 12/22/2015] صالح
خسرجي: الدنیه اویای زلفت حیل وجفات.
ککاغد عمری وسط النار وجفات.
الی ویه العسر بضیج وجفات.
بدگت باب ستره انهتک بیه.
🌹لشاعر صالح الخسرجی
ضکنی الدهر ضکت میت بلحد.
ابسیفه الما رحم بحشای بلحد.
رسم حده وشتلی اسیوف بلحد.
وهسه النوب یتمرد علیه.
🌹لشاعر صالح الخسرجی
ردت ابیض لچن اسود یجلون.
الأجلهم ما شفت نفسی یجلون.
الشماته ما گصو بیه یجلون.
طحت واعیال بیتی اردفو لیه.
🌹لشاعر صالح الخسرجی
إتن،دگ ساس دار الود وابنهه.
أبی بوصلک اکف دمعی وابنهه.
ک ام عمیه صرت عگبک وابنهه.
خرس وابسوگ ضاع وگطع فیه.
🌹لشاعر صالح الخسرجی
قنوع وماکفرت ابیوم بصاح.
وفعل الصح ارده اضعاف بصاح.
ادگن لوح بذنی وگطن بصاح.
ورای اتبع سراب اتحوش میه.
🌹لشاعرصالح الخسرجی
فات امسی بندم وانتظر بکره.
إبأمل و الهجر من ایطول بکره.
صرت بجفاک خیط بحضن بکره.
وابر حچی الشماته ارداف بیه.
🌹لشاعر صالح الخسرجی
گلبی انصاب من دهری بشل واه.
سگاه ومن لوا مدری بشلواه.
صرت چن بیت بانینه بشلواه.
عتیج ایطوف بس خطاف بیه.
🌹لشاعر صالح الخسرجی
صحت،نادیت،ردو علي.فصلو.
جفو.والواو من الشوگ فصلو.
ثوب ابیض الی منل هجرفصلو.
البست واتراب لحدی احتضن بیه.
🌹لشاعر صالح الخسرجی
لو اسم الفرح بذنی یتیما.
شافو من جفن عینی یتیما.
صفت روحی شبه طفله یتیما.
عمیه وعد شریچه ابغیر اخیه.
🌹لشاعر صالح الخسرجی
ابصف جرحی خلیلی الرسم بطرش.
ملح وبطیب عود اعلیه بطرش.
وگع حظی بعمه،بمعلول، بطرش.
بلیل وگاع وعره ایدلی بیه.
🌹لشاعر صالح الخسرجی
ماادری الفرح کتری متاحف.
ولا خیطه اذکرت وجهی متاحف.
انه منل حزن بیه متاحف.
وصفت وحشة خرابه ابچول بیه.
🌹لشاعر صالح الخسرجی.
ابکلامه،ابگعدته،ابممشاه موساء.
الی ویذبح وریدی ایرید موساء.
لانی ابدین عیسی ودین موسی.
ولاشایل طبع فرعون بیه.
🌹لشاعر الخسرجی
گلبی ابطیب لما الضیف جاهل.
لچن بفعال دهری چنت جاهل.
صرت محچال وافتر بید جاهل.
واله واهس یلوح الطیر بیه.
🌹لشاعر صالح الخسرجی
یدهری الگلب من حگه حرمته.
إبأسه وبیتی اهتکت بیدک حرمته.
مثل شیخ السلف نهبت حرمته.
شلت منک عمر هلعار بیه.
🌹لشاعر صالح الخسرجی
گلبی منل اله والبی خلو.
مثل خلة ضریر ابدفر خلو.
طحت،گالو عسا بنار.خلو.
گمت،گالو کلام ایلیق بیه.
🌹لشاعر صالح الخسرجی.🌹
طور الحزن تکتل ونته وسل.
سیفه وفرح نرجه ونتوسل.
الاهل،والعوز،والهم،ونته وسل.
یدهری،والشماته ابفد حنیه.
🌹لشاعر صالح الخسرجی🌹