ابداع شاعر
بعد مالچ دوه لدای یلو.
ظعنهم من محاری الدار یلو.
بحر عینی بجفاهم حیل یالو.
بکل ضحکة شماته ایهیج بیه.
🌹لشاعر صالح الخسرجی🌹
صار اسنین نحصد قهر مندوس.
اثاری البین علشجعان مندوس.
احنه ابگاع هشه وتنز مندوس.
ولانرضه الشرف ینخبط میه.
🌹صالح خسرجی🌹
مشو لا ساعدونی ابذیچ لاهای.
الچنت الهم دلیلی عمر لاهای.
إذن حگی لون ابهیم لاهای.
علیمن ضال شنهی الضال بیه.
🌹صالح الخسرجی🌹
ربحت انه الخسایر داس منداس.
وماهمنی رخی الشور منداس.
عدوی ارحم علی بروک منداس.
وکسر ظلعین اخوی بدوسه لیه.
🌹صالح الخسرجی🌹
یخل بلوای لو حطهه ویعضام.
بلوه اتفوق،الی وانته ویعضام.
أشر جلدی گمت تالی ویعضام.
بشمس مو خمخمن لجروح بیه.
🌹صالح الخسرجی🌹
ابوداعک یوم عنی اجفیت ضلاه.
ابگلبی وبس هوه منل شوگ ضلاه.
نحل جسمی ونزع بجفاک ضلاه.
یهیس چن جبل ممزوج بیه.
🌹صالح الخسرجی🌹
صحتله وهم سمع بس حیف طریش.
اذانه ولا علي بلوصل طریش.
گلبی انطر علیه بس عود طریش.
شبه نیل البحر بجفاه لیه.
🌹صالح الخسرجی🌹
یدنیه ابهمچ اعله الروح شکلی.
اشعلیچ ابشربی شنهی شصار شکلی.
وصلت الحال لمن شفت
شکلی.
بلمرایه ،اصفنت شکیت بیه.
🌹صالح الخسرجی🌹
ابعزم الله یفوح ابیوم مسکل.
مجد والعارلومس شخص مسکل.
بعد شمرة عصه وایکون مسکل.
دمع ویشع نصر ویبان ضیه
🌹صالح الخسرجی🌹
عندما عقد الشیخ حبیبتی من شخص ثانی ورأیتها مبتسمتافقلت لها:
ابعقدک هانزل دم دمع هاما.
اباب الشیخ الک نزلت هاما.
ارد اسئل الشیخ شعجب هاما.
نظر ها فوگ شفتچ خد ادیه.
🌹صالح الخسرجی🌹