قاسم الفتلاوی 👆🏽

ایگول
👇🏾
عذبینی
ولو عطشان عل راحه...
ولو عطشان،راید بیچ أتفلحط....
راید بیچ أهد حیلی
وضل إمهودل إبلاحیل...
إبضباب إسوالفچ خدریلی طبخت چای
أرید إویاچ اتسامر یل إبروحچ إمروت هیل....
گمر محتاج بیچ أظهر...
وخري الشیله إفرشی الیل عچتافچ....
بعد کافی الظفر ملیت....
أرید اتمدد ابطولی علی وسهر
إحچیلی....
قطار إسوالفچ حرکی
خل یسحگ علی اعصابی صغتلچ ریل...
یحبیبه.
ترا الساعه...
یکتلهه الهظم لو مایحوس المیل...
یحبیبه ..
سیف اسوالفچ حدی...
اجرحینی جرح جرحین ، خل یدرون حاب اکشخ...
ینهر المای..
صاراهوای الچ عطشان...
اموتتنی البروده البیچ ....
عوفی المای ارحمینی ...
عاد اشوای منچ طین
إطینی أتلمسه وأبرد....
من دین العشگ ملیت..
ابو الشیطان وینه ابلیس،
خل ایغشنی ارید اکفر...
بعد کافی المشی تعبیت...
خل ایحط نهر جدامی ارید اطفر...
حضن ماصحلی بی أرتاح ،غیرچ حته حضن امی...
ضکینی إبگبر حضنچ ...
الحگیلی گبل لایوعه بیه الدود‌...
صارت مده میتلچ...
یبحر العشگ ولعشاگ...
الچ مشتاگ...
إبغمگ الروح غرگینی،،
بعد ملیت من الراگ

قاسم محمد الفتلاوي