ابداع شاعر
اشسده یاصاح بچفوفک کبیتل.
مای العشره لن هجرک کبیتل.
صرت بجفاک لو تدری؟کبیتل.
کعبه وطاحت الاصنام بیه.
🌹الادیب حسن الطرفی🌹
▪▪▪▪▪▪▪
انه ابساعة اوداعک کبیتل.
دمع،وادری الگلب صایر کبیتل.
حزن،وابهور گمت اشبه کبیتل.
گصب واجفاک شب نیران بیه.
🌹صالح الخسرجي
الشاعر صادق عبیات ایگول.
هم تدرون شتمنه یهلکون.
الکان الکان اریدنه یهلکون.
الخذوک اتمنه اشوفنهم یهلکون.ابعذاب الدنیا گبل الاخریه.
ف اجاب صالح الخسرجی.
لوتگضی العمر روحی تهلکون.
الکانت کون اریدنهه تهلکون
.الخذوهه اعیونهم ادعی تهلکون.علیهم من جهنم اشد میه.
لا تنشد علیش وبیش سرحان.
وکت الی ابوحن بیه سر،حان.
شفت شات ایتعیل ببو سرحان.
ابرهاوت حیل یلعب طوط حیه.
🌹صالح الخسرجی🌹
ردت ابیض لچن اسود یجلون.
الاجلهم ماشفت نفسی یجلون.
الشماته ما گصو بیه یجلون.
طحت واعیال بیتی اردفو لیه.
🌹صالح الخسرجی🌹
اهلی ما لگو واحد کلونی
گصو من لحم زندی کلونی.
بناب السام یم خصمی کلونی.
امنحوسن خاف خله اتبان بیه.
🌹صالح الخسرجی🌹
کتر بیتی ثلاثه الیوم حفو.
لهم سیماء من الخیر حفو.
چذب من گوسهم هلبیت حافو.
شرط عدهم گعد منهل ثنیه.
🌹صالح الخسرجی🌹
الوکت من شاف دمع العین لیهال.
حرث گاع الجفن وابحقد لیهال.
کما قاتل صرت بحلوگ لیهال.
بسلف مقتول طشو خبر بیه.
🌹صالح الخسرجی🌹
العسر گد ما سکن بروح بطال.
چبد، ماشوف نجمة سعد بطال.
مثل واحد صرت عطال بطال.
صافن بس صفنتی اتخور بیه.
🌹صالح الخسرجی.🌹
خلص عمری گضیته ابریت وبلیت.
یفر منی الصبر ویهیم وبلیت.
شته وسگفی سگفته ابطین وبلیت.
وخشب حیطان بیتی اتروط بیه.
🌹صالح الخسرجی🌹
المراجل مو شرط تنقاس بسن.
ولا عضت ندم عل فات بسن.
الزلم بلیل سیف الغیض بسن.
ونجیب احگوگنه ابساعه اضحویه
🌹صالح الخسرجی🌹