اشوگ بنار دلالي..

و أتق واي
علیك و ما تشد روحي

وتقواي
قیامي و نسکي و صیامي

وتقواي
بهواك امسن سُدى وضاععليه

 

 

 

عادل الحمادي

 

اخوتي.. اجروح بیه الهم وعنوه
او بدیه اسرج اکحیلتهم وعنوه
گلت هلبت "عزیز" اصبح وعنوه
اعتنیت اعگلهم و شحو !! علیه

 

عادل الحمادي

الوكت ما يوم من بلواه ثاني
شخص و گبالي ركبة غيظ ثاني
یا الهي.. ما من ابراهیم ثاني
یجي و یچسر اصنام العوز لیه

 

وحگ الطر زمام السحر والیوم
یعلني الصد علي بجفاك والیوم
گبل مرهم چنت للجرح والیوم
الجرح انته.. و تشب نیران بیه

بإذاني الشوگ يهذي وبهذیچل
الگلب و يرد لروحي وبهذیچل
حلفت انساه -لحظه- وبهذیچل
لحظه.. اتذکریته و عن علیه

الوکت بتگلوجي تفَنَّن وصلي
او دلیلي امسی بسبب وني وصلي
اشتیاقا" للدعه اتنسك وصلي
بقنوتي ادعي لهواك یدوم الیه

 

عادل الحمادي

ابداع جديد جميل

خيعونكم !!..
موالفه الضحچات بيض سنونكم
مشترين العافيه من الله و طعمهه
و السوالف.. ناجعه بماي اليورد لونكم
خيعونكم !!..
لا شاته تگاوي العگل
و لا جفن اليضوگ السهر
تغفون من تغفه الشمس
و يفزن وي اول شفاگ منشنشات عيونكم !!
بدیارکم..
يوميه امر سايل غريب..
امشي و اتطشر [فشل] !! يم ناس اليذكرونكم
و امسح فشلتي گبال اليحبونكم؛
و انتچي على ابوابكم..
گبه و مناره !!..
تاره اشم حيطانكم و ابچي على حالي؛
و تاره اچاسر حرگتي بگطف الجگاره..
و انتشي بسالوفة اليطرونكم..
خيعونكم !!..
خيعونكم و على الفرح هنيالكم
يتسامرن نجماتكم و هلالكم !!
يستفزني الليل و اعثر بالمغيب؛
و انزف [آه] و للشفاگ.. اتونون بموالكم
و احترگ سكته.. و اشب.. و اخدر ونين..
و انچفي.. و اتبده [آخ] گبالكم !!
و استحي من عيونكم !!..
و اعرگ.. و اذوب..
و اختل بسد الله و انهض.. و اشبگ على خيالكم
و احبس بريتي الهوه -مكابر- اخاف !!..
بالزفير الوادم يشوفونكم..
و بشهگتي الحاره يشمونكم..
و اضحك على الدنيه و اتبطر.. كذوب !!..
حتى للما يسوه لا يطونكم..
خيعونكم !!
بصدوركم ما من حزن يستثگل علی ازراركم
و لا رفة متون.. و تعال و ما اجه !! لخطاركم
صار وايد للعتب فارش شليل؛
و انتم و لا چنكم انتم.. بس تجيني اعذاركم
ما سوگ عدكم يستحي و يشري العتب من جاركم
و لا ظن تردن بالنفس و يهب نهب لاسراركم
مره كلي احتر و اشب بالـ[ليش مالو] !!
و مره ابرد و استچن بـ[الله كريم] !!
و ارجف انوب و احن لناركم..
و اتلهف على كباركم و زغاركم..
و اتلفلف بليف الورع و اتغطى بـآه..
بطول سچه البين داري و داركم !!
الماي يمشي بلا فكر دون الجروف؛
ليش عفتوني اخب بدياركم ؟!
يردم بعز النهار الما يشوف؛
ليش طفيتو بسماي اقماركم ؟!
فدوه.. طشو بذني حچاياتكم !!..
فدوه.. رشوني ندى لورداتكم !!..
فدوه.. ذبحو دمعتي لضحچاتكم !!..
فدوه.. نذروني بثواب امواتكم !!..
فدوه........
عادل الحمادي

الحمادي يركع الكلمات امامه مرة اخري صياد القوافي

یناهي وروم شوگ الوصل شوفیش
بـگلبك.. و الکتمته سنیـن شوفیش
سوی الهم و الحزن بجفاك شوفیش
حمـل گلبـي !! و جـنیت انته عـلیه
عـادل الحمـادي

ترف.. یالما علي بهـواك ظلیت
او يفت بحشاي فت عليك ظلیت
شـبیه البـي تكض الـنار ظلیت
اجف مـوگود.. اهف تـزود بيه
عـادل الحمـادي

الحـزن یـا صـاح دلالـي طراطیر
او خیالي گبال چم باشج طراطیر
البخت مال و صفت تلهج طراطیر
هوی بإسمي و حبن تنضـد علیه
عـادل الحمـادي

ذبـل وجه الفـرح و الهـم بیابیش
او بیابي عیوني من بچیي بیابیش
اخوي بسـوگ المـزاود !! بیابیش
بـ بـلاش.. یسـوم للـشمات بـیه
عـادل الحمـادي

ذبل عـودي الگبل بـهواك مانع
بجفاك و مثلي ناعي علیك مانع
الدمـع و صـورك بـعیناي مانع
صفـن و نسد طـریج النـوم بیه
عـادل الحمـادي

عـلامك طابجتـهه و علي شدیت
الدنیه و للـتجافي بیـوت شدیت
تـره انه بـحضرة العباس شدیت
علگ.. بلچي انتخه و دهداك الیه
عـادل الحمـادي

وراي.. آثـار وقــره خلي لعداك
او یم ملـوحة الـ"چا" خلي لعداك
السوات شواي منهن خلي لعداك
اخيّـك !!.. لا تجـي بکلهـن عـلیه
عـادل الحمـادي

طبیبي.. ما لگه و للـداي وصیف
دوه و لا من وصف للحال وصیف
الشته من برودتك خجلان وصیف
تخوصـر !! یم لهـیب جفـاك بـیه
عـادل الحمـادي

اشبـش بالـدمـع ظلـیت ودميش
دمه و ما للبواچي اردان ودميش
اوادم رافجت؛ بس عـود ودمیش
المـا ردته لـعدو !! تمـنوه الـيه
عـادل الحمـادي

الحمادي عادل والجديد

اهنا یالسهسهتني بنار !! صلبوخ

دليلي الينزف من الشوگ صلبوخ 

انا جویـمه و لفاني جفاك صلبوخ

کسرني و رضـرض المکسور بیه

عـادل الحمـادي 

 

وحگ الما رضـخ للـذل وروحاي 

حیا مـن اعداي جیاتـي وروحاي 

حرت بأمر النفس دونك وروحاي 

علی یا واهـس بگن للـیوم بـیه 

عـادل الحمـادي

 

أب و ما يـوم گشـط عنك ابوتك 

دليلي و عيب سولف عن كبوتك 

ستـر ردته و شهـرني عنكبوتك

نسیـجه يـوچب الشامت عـليه 

عـادل الحمـادي

ابداع شاعر

 شـمل ود الجمعني اوياك شاتیب

صدودك.. و بمسد فرگاك شاتیب

المفر لاوین و انه امسیت شاتیب

حمـاده و حظن عـشره ذیـاب بیه

عـادل الحمـادي

 

 

 عطل جدمي بطریجك حیل ونته

او علیك الگلب صارت حیل ونته

او علي بگد ما بعیني حیل ونته

البعـد !! خلف مـرارة ريـج بیه

عـادل الحمـادي

ابداع حقيقي

 کـ أي" من وحـش لـو صار يم كين

خشن گلبي و بعد ما دوب.. یمکین

الساگط من سمه الله يعيش يمكين

السگط مـن عيني !! فاتحـته جريه

عـادل الحمـادي

 

 

 

 

عـلیك الگلب يـأسمر حن نهايم

يحـن و لـبيت ستري حنه هايم

حدر ريلك -مبارك- حنه هاي أم

لطـخ من دم ولـه و انـذار الیه

عـادل الحمـادي

لهیبي نشف شطوطي وعگلي

او علیك الفرح عاصيني وعگلي

عـرك !! مـا بین دلالي وعگلي

بهـواك و عـیب یتصافـون بـیه

لـ عـادل الحمـادي

 

 

 یجل السامع..

حلگ ودك تعلگـم.. بسي ریقه

او ارید الیوم چاسك بس اريقه

غیـرك مـا اتهمـه !! بالسریقه

طالع.. طاب.. بـس انتـه عـلیه

لـ عـادل الحمـادي

 

 

الك كل السـوالف !! فاخرتهه

او روحي بنار شوگك فاخرتهه

اللیالـي بـخال خـدك فاخرتهه

الخجل لفهه و عرگ ندت عليه

لـ عـادل الحمـادي

 

 

حبيبي انشد نزيل اهلك منیتاي

علي یالـرصعة خـدودك منيتاي

بما تهـوی و تحب قـرر منیتاي

مـحالل.. دون سیف جفاك الیه

عـادل الحمـادي

 

ارابي.. و انشـد الرایح ولیه

او عـلیك صـیاح دلالـي ولیه

الك و لعینك !! و عیني ولیه

حرت شکتب و الله یحن علیه

عـادل الحمـادي

 

 

يـون بسكـوت دلالـي.. وذيبه

حـذر مـن ليل المـوادع وذيبه

الوجع مو ثوب يا صاحب وذيبه

جفاك.. جروح حـط بالروح الیه

عـادل الحمـادي

 

 

 

 گبـل نخـواك چـنت افـزع ونصلك

و اجسم نص الي بسهمي ونصلك

خطاني الجاي من خصمي ونصلك

گعـد.. لمن درت مگفـاي بیه ؟!!

لـ عـادل الحمـادي

 

 

 مثل ذيـل الچلب !! مـا اظن يصيحون

الشماتـه و مـن مـنام الغي يصيحون

او علي من اسمعهم بإسمك یصیحون

احتـرگ !!.. و الـدم عـليك يشيـط بيه

عـادل الحمـادي

 

 

نگیص اخلاف عـینك و اکتمل ون

بدليلي الحزن بعدك !! وك تملون

علیك اشمه ارد اچابر و اكتم الون

اختنگ و ضیاج صدري !! یخون بیه

عـادل الحمـادي

 

 بطـش بيه زمـاني جـهار.. وفتك

او خلص تك من دليلي احاه وفتك

گفلـت الباب حتی ارتـاح !! وفتك

الحـزن !! ظل یطفر الحایط عـلیه

لـ عـادل الحمـادي

 

دلیلي بصحف ودك تل و اذاني

بهواك و بي زماني تل و اذاني

اریدك کـون بیـدك تلوي اذاني

فَتِن و هـواك اخاف یعـم عـلیه

عـادل الحمـادي

 

 

 اهـنا يـالشمـرتك عنبـر ورجفاك

او وجيفك من خجل يمي ورجفاك

او عـلي ما والفیت احـد ورجفاك

سـوی الهم و الحزن غصبن علیه

عـادل الحمـادي

 

 

 غيض من فيض الوجع !!..

تحاشـيت و ركس للـراس بحشاي

الگلب و من الکتمته عليك بحشاي

وحگ حسره الترکها هواك بحشاي

جهـنـم.. جنـه !! اذا تنـقـاس بـیه

لـ عـادل الحمـادي

 

 

 یروحي تسمي بالرحمان وهدي

تفایض من رشیح العـین وهدي

تـره آخر شـوفتي للفرح وهدي

من اهـد ما طنب هـواهم عـلیه

لـ عـادل الحمـادي

 

 

بألم و تأنيب ضمير و حرقة داخل صدري..

گبل ونـة دلیلي عـلیك.. ونخا

طري و لرضاك دگ رچاب ونخا

بعـدني بـ(غ) غیظك ولك ونخا

گمت تتـوسط اهـل الخیر الیه

لـ عـادل الحمـادي

 

 

 ديـوزي من العتب يا روح ویسي

الحزن يلفیچ ظل من لیس ویسي

تره الما شاف غیر الطیب ویسي

یغص بـملوحتي !! من يضوگ بیه

لـ عـادل الحمـادي

آخر ماكاتب الشاعر عادل الحمادي

 تعت ببتـوت گلبـي علیك ولمات

الليالي.. و للمنیه الروح ولمات

چنت اتمضحچ علی الطاح ولمات

لحد ما شـچ رمـح فرگاك !! بیه

عـادل الحمـادي

 

 

صمد بهـواك گلبـي و حـيل ماظل

خصيم و عـلي نخل الشـوگ ماظل

خلص صبري و عگل بالراس ماظل

عـليك الله ؟!.. لـويـن تـريد بـيـه

عـادل الحمـادي

 

 ترف؛ یاللي هـواك انصاغ ونساك

بدلیلي و چنت انس دنیاي ونساك

باصرني.. من اریـد اجفیك ونساك

نسیانك، شـفه لـو داي الیه ..؟!!

عـادل الحمـادي

 

 

الطري من اثمار عمري وينعاوي

بـحرگتي و عـلي خلگك وينعاوي

بعـد یا بـچي الـينفع !؟ وينعاوي

الیـحط بیـك الـرحم و تـحن عـليه

عـادل الحمـادي

 

 

مايمنيش ...

يـمنـوني !!.. و دليلـي مايمنيش

 

او طيري بـيوم شطهم مايمنيش

 

الشربـوني بـعطشهم مايمنيش

 

نشو !!.. گامـو چفي يـبـدون بيه

 

 

عليهه ...

يـگلبـي.. لا تــذل ونـتـك !!.. عليهه

 

او هـونـك من تـلـي روحـي عليهه

 

امـرعـد صورتي !!.. و انـظـر عليهه

 

شبـاب و گمـت اجاري الشـيب بيه

 

عادل الحمادي

 

 

خوخيته ...

طريـج العـيب ينـطـر !!.. خوخيته

 

او نبات الشري بشعري خوخيته

 

شحيح اصبـح !! و مامن خوخيته

 

اليجف لو طحت طول و حيل ليه

 

عادل الحمادي

 

 

 

تبيت ...

الدنيه من اگبلت صوبي !!.. تبيت

 

او روحـي مـا تبـي اليجفـي تبيت

 

الحـزن يـومـن چهب كـوخي تبيت

 

استلذ من شاف عندي عيون ريه

 

عادل الحمادي

 

 

 

باليام ...

بسم الله الرحمن الرحيم

إذ أوحينا إلى أمك ما يوحى {38} أن اقذفيه في التابوت فاقذفيه في اليم فليلقه اليم بالساحل يأخذه عدو لي و عدو له.... {39} ... (سورة طه)

.......................

 

 

علي؛ و اليقتدي بكل فرض باليام

 

الموت يطوف سبعه اشواط باليام

 

احـط روحـي بظرف و القـيه باليام

 

عسى لساحل هواك !! يعـوم بيه

 

عادل الحمادي

 

 

 

ماچان ...

يچن كـل چان و المصيوب ماچان

 

بـمچـان و للـوجـع بـحشاه ماچان

 

سبـع چيـلات بيـه و گـمت ماچان

 

امصوب !! بس طحت بجفاك اليه

 

عادل الحمادي

 

 

 

فورات ...

يـنـاعـور الفــرح، مـا بـيـك !؟ فارات

 

بـگلبي و تـطـفـي نـار الـبيه فارات

 

انــه بـطبـعـي نـقــاوة نـهــر فارات

 

السجي الگيعان رغبه و شوگ ليه

 

عادل الحمادي

 

 

 

ويهنه ...

اهنا يــا مـن جفـونه و ضيعــونه !!..

 

حرام بـعافـيه ينشـنش ويهنه

 

او جفـنه بـنـوم يتـثاگـل ويهنه

 

او محمد موگد من الهم ويهنه

 

عليكم !!.. و النـواظر دوم ريـه

 

عادل الحمادي

 

 

 

كفات ...

خبنته و ثوب اساي يـعـوز كفات

 

بعشرتي الكلهه لوم وياك كفات

 

روحي و روحك !! بـميـزان كفات

 

سوه و لـومك يـدگ و يشيل بيه

 

عادل الحمادي

 

 

 

لوحلالك ...

التفـرط بي ؟! حرامـك لوحلالك

 

او گمت تـرسم عذابي لوحلالك

 

طـرش صـابـاك عنـي.. لوحلالك

 

ونيني؛ و ماخـذك واهـس عليه

 

عادل الحمادي

 

 

 

والدگ ...

گـوي اليتـحمـل الاحـاااااه والدگ

 

بـإبرته و محـص المـدفون والدگ

 

حديـد الما الـه اعلى النار والدگ

 

صبـر !! مـا ينسگـم صمصام اليه

 

عادل الحمادي

 

 

 

منيا ...

طلب ما نال گلبـي و خسـر منيا

 

بـوداعك يالوداعك مـوت !!.. منيا

 

جرحي بـطول خلگ جفاك.. منيا

 

كــتـر يـنـراف حتـى تــروف بـيـه

 

عادل الحمادي

 

 

 

وخلصان ...

وفي ما اظن تجد مثلي وخلصان

 

هـواك و حفـظ لـعهـودك وخلصان

 

انتهن وي سچة ظعونك وخلصان

 

الضحچ و العـافيه !! و ثگلن عليه

 

عادل الحمادي

 

 

 

یامتانه ...

بـسـچچ وصـلك دليلـي يامتانه

 

او بـعـد مـا بـي صـلابـه يامتانه

 

الـوحيـد اليـدري مــوتـه يامتانه

 

مـنيتـي بـصـدة عـيـونـك عـليه

 

عادل الحمادي

 

 

 

طالبتناي ...

اتـاني و يــوم بـعـدك طالبتناي

 

اعلى دربك و الليالي طالبتناي

 

جـهنـم مـن حـرگـتي طالبتناي

 

عـليك !!.. و وزمـت مـالك عليه

 

عادل الحمادي

 

 

 

وشجوني ...

غزني اشجان بعـدك وشجوني

 

او فـزعـت اليـجـون.. وشجوني

 

شـبـه داوود ونـي !! وشجوني

 

عليك يـشم هـوه من الهور بيه

 

عادل الحمادي

 

 

 

وضحكباي ...

اهــومـــز مـــن تــسـلـم وضحكباي

 

او يوكتي الشوم جرحي وضحكباي

 

الحــزن يـلـبـس عــبـايـه وضحكباي

 

يــفــرع مــن يـمـــر شــامـت عــليه

 

عادل الحمادي

 

 

 

مهماز ...

فعل صاحي ابد ما اصير مهماز

 

ولا گلبـي يطـخ لابـليس مهماز

 

اليميـز الباز.. بين الطيـر مهماز

 

كذا ميزه ببـوذيتي تشوف اليه

 

عادل الحمادي

 

 

 

ولكاش ...

الوكت لو من جسه تهنگم ولكاش

 

يـطگ و مـو سلـف طگـتـه ولكاش

 

كـثوب الكــودري الـيـنـگـع ولكاش

 

وجـهـي بـشط دمـع فـرگـاك الـيه

 

عادل الحمادي

 

 

 

مانمالام ...

تنـاشدني اعلى ليلي ما نم؛ الام

 

بگلبي و طـول عمـري مانه ما لام

 

غزاني الشيب و انه ماني مال ام

 

ناطر !! و اتـنـه وكتي يـحن عـليه

 

عادل الحمادي

 

 

بلويوه ...

جفاك من السمه و نازل بلويوه

 

اصلاله و گلبي يلچمني بلويوه

 

عـفتني امـتـرز و صـافن بلويوه

 

صنم و تـشيط عيـن الصد عليه

 

عادل الحمادي

 

 

 

طمعاهم ...

شجاه گلبي بـصدودك طمعاهم

 

اسى و بـحفور هجـرك طمعاهم

 

المــلائـك !!.. بيك ربـك طمعاهم

 

لـذلــك سـجـدو لآدم !!.. سـویـه

 

عادل الحمادي

 

وانمتناي ...

تمت لیك البلابل.. و انه مت ناي

 

الي و بدروب هجرك وانه متناي

 

جبل حمل المصایب و انه متناي

 

مـتـن نـمله الهـبـوب ایمیـل بـیه

 

عادل الحمادي

 

 

 

گولاچن ...

گبـل مـيتات !!.. لاچن گولاچن

 

الشعر يحرف و قلمي گولاچن

 

انه مـن الظـيم واگـف گولاچن

 

اتـعـب الـراد گـوه يـطـيـح بـيه

 

عادل الحمادي

 

 

 

 

لويليحيش ...

خضـر يابـس.. المـنجـل لو يلي يحيش

 

او خصيم السيف بالشر لو يلي يحيش

 

الاصايل حگهه تلجب !!.. لو يه اليحيش

 

امـسـرج !!.. و الكـديـش يـحـي بـخـيه

 

عادل الحمادي

 

 

 

منسولف..

غـزل شـوگك يـگلبـي من نسوله اف

 

او گعدت آكل بروحي من اسى و لف

 

الگبل يـفهه اعلى حلگي من اسولف

 

اشعـجب !!.. هـاليـوم يتـطـاول عـليه

 

عادل الحمادي

 

 

 

يدرويه ...

سخـي و ايـدي مـن الله يـدرويـه

 

او ثــابـت دوم عـگلــي.. يـدرويـه

 

بسجيتي ادري الچهبني يدرويـه

 

شـجـره انــه و اعـزب الـنـار بـيـه

 

عادل الحمادي

 

 

 

لويات ...

عليك مـن انكسر.. بالـروح لويات

 

صفـن و بـگلبي لاچن لـوچ لويات

 

يوجب مثل ابـو اسماعيل.. لويات

 

ينب بـإسمي و يلـم الكسور بيه

 

عادل الحمادي

 

 

 

ولانيس ...

الوحدي امسيت لا صـاحب ولانيس

 

بـغـربـه و لالي حيـل اجبـل ولانيس

 

لنته المن صدگ ذابح.. ولاني.. اس

 

..مـعـيـل و يـفتـديـنـي الله بـضحـيه

 

عادل الحمادي

 

 

يفنه ...

يفن؛ بس لا تظن من داي يفنه

 

الك و الگلـب يا مـن ريــت يفنه

 

شبيـه المـا طبـج بالمـوت يفنه

 

بجفاك.. العاين يظن روح !! بيه

 

عادل الحمادي

 

حی درنه من دون الخلگ حیدرنه

 

و عالین و اتظل القمم حیدرنه

 

حیدرنه غناوه بخت حیدرنه

 

(( ما یطرب الهه البی دغش و اتنکر ))

 

*

 

السیده زینب (س) تشکوا الم السوط لامها الزهرا (س):

 

ابذاری اتراب ذچرچ یممتنی

 

المنایه و ریت حزنچ یمه متنی

 

تعالی و فرچی بیدچ یمه متنی

 

تره امن السوط ما ظل حیل بیه

 

الشاعر العزیز عادل حمادی

 

 

هم البلگلب مخزون وکتل

 

اخوی ایگول اذبح زلم و کتل

 

اشو من صار صدگ الصدگ و کتل

 

((  کتل گلت التکتل بلثنیه ))

 

 *

 

اکربن روحی النوایب گاع وچران

 

یدنیه او بذنی جرس الموت و چران

 

تعالن عشعشن یطیور و چران

 

((علی ، للنش فلا ضل حیل بیه ))

 

 *

 

وحگ اعظم نبه البی حچت عما

 

گلبی الهم عگب عیناک عما

 

ما یحتای ابح بجفاک عما

 

(( جرالی ارسوم وجهی اشهود الیه ))

 

* 

 

لیش ابتغرة اهمومی حدرتل

 

طرف و الموت بظعونی حدرتل

 

بعدهی آمالی تتنفس حدر تل

 

(( جمر واغیوم وصلک جفت بیه ))

 

* 

 

سحاب الوکت بس یمطر بشر لای

 

و مثل ما لوی ابد ماظن بشر لای

 

اصیح و ما فزعلی او هد بشر لای

 

(( ابمحنتی الموت اجه فزاع لیه ))

 

الشاعر الصدیق عادل حمادی

 

 

(الشاعر اﻷديب عادل الحمادى)

 

                    ‏(ﻋﺸﮓ ﻣﻔﻀﻮﺡ..)

ﻳﺎﻟﻤﺎ ﺍﺩﺭﻱ ﺑﻴﻚ ﻣﻨﻴﻦ.. ﻭ ﺍﺳﻤﻊ ﺑﺎﻟﺴﻮﺍﻟﻒ ﺑﻴﻚ؛

ﻣﺮﻧﻲ ﺑﻮﺣﺸﺔ ﺍﻟﺤﺴﺒﺎﺕ.. ﻭ ﺍﺷﻌﻞ ﺧﺎﻃﺮﻱ ﺑﻄﺎﺭﻳﻚ؛

ﻭ ﺍﺷﺘﻠﻨﻲ ﻋﻠﻰ ﺷﻔﺘﻚ ﭼﺎﺱ.. ﻣﺎ ﺿﺎﻳﮓ ﻭﺷﺎﻟﺔ ﻣﺎﻱ؛

ﻭ ﺍﺣﭽﻴﻠﻲ ﻋﻠﻰ ﺫﻳﭻ ﻭ ﻫﺎﻱ !!..

ﺳﻮﻟﻔﻠﻲ.. ﻋﻠﻰ ﻟﻮﻥ ﺍﻟﻌﺎﻓﻴﻪ ﺍﻟﻤﻤﻠﻮﺡ؛

-ﻳﺒﻌﺪ ﺍﻫﻠﻲ ﻭ ﺑﻌﺪ ﻫﺎﻟﺮﻭﺡ-

ﺿﻮﮔﻨﻲ ﺳﻤﺎﺭﻙ ﻧﻮﺭ ..

ﺣﺘﻰ ﺍﺷﺒﻊ ﻋﺸﮓ ﻣﻔﻀﻮﺡ !!

ﻣﺾ ﺑﻌﺮﻭﮔﻲ ﺧﻤﺮﺓ ﺩﻳﺮ.. ﻭ ﺍﻧﺜﺮ ﺭﻭﺣﻚ ﺑﺮﻭﺣﻲ؛

ﺣﺘﻰ ﺍﺳﮑﺮ ﻭ ﺍﺳﻮﻟﻒ ﻃﯿﺶ ﻭ ﺍﺟﺒﺮ ﺧﺎﻃﺮ ﺟﺮﻭﺣﻲ؛

ﺣﺘﻰ ﺍﺣﭽﻴﻠﻚ ﻋﻠﻰ ﺍﻟﺸﻮﮒ ﻣﻦ ﻳﻤﺸﻲ ﺑﺸﺮﺍﻳﻴﻨﻲ؛

ﻭ ﺍﺿﺤﻚ ﻟﻠﺒﭽﻮ ﻭﺟﻬﻴﻦ.. ﻭ ﺍﻧﺪﻩ ﻭﺍﻫﺲ ﺳﻨﻴﻨﻲ !!

ﻭ ﺍﻣﻄﺮﻧﻲ ﺩﻣﻊ ﻣﻠﻬﻮﻑ.. ﻭ ﺍﻏﺴﻞ ﺑﻮﺭ ﺷﻔﺘﻴﻨﻲ؛

ﺣﺘﻰ ﺍﺭﻭﻳﻚ..

ﻭ ﺍﺳﺘﻨﮕﻲ ﺍﻟﻤﻮﺭﺩ ﺑﻴﻚ..

ﻧﺎﺫﺭﻟﻚ حضن ﻣﺎ ﻣﺮ يتيم بطيف !!..

ﻭ ﺣﺮﻭﺭﺓ ﻧﻔﺲ ﻭ ﻣﺸﺎﺑﮓ ﻋﻠﻰ ﺍﻟﻜﻴﻒ..

-ﻛﻮﻧﻚ ﻣﻦ ﺻﺪﮒ ﻭ ﺗﻤﺮﻧﻲ- ﻣﻨﺎ ﻟﻴﻚ..

ﻃﻮﻝ ﺑﻄﻮﻝ..

ﺣﺪ ﻣﺎ ﺍﻧﺘﻬﻲ ﻭ ﺍﻧﻬﻴﻚ !!..

 

              (الشاعر اﻷديب ﻋﺎﺩﻝ ﺍﻟﺤﻤﺎﺩﻱ)

لوت چفـي على عصـاتي لولهه

او ترد كلما گضت قصتي لولهه

حرگـتي بـیوم وادعـتك.. لولهه

سنه و دخان !! چا غطی الـثریه

لـ عـادل الحمـادي

کـحود الهـم علي سرحان ماحاد

علی صیده و للذبح سچین ماحاد

دعاین.. غیر حزن جفاك !! ماحاد

علـي مـر و نشـد یا حـال الـیه

لـ عـادل الحمـادي

عادل الحمادي

علی المادون ما اسولف ولفشل

خفي و بثوبي الف رگعه ولفشل

الفاشل بالـحچي يسبگك ولفشل

الیصدگ حچایـته !! و یـاخذ عـلیه

لـ عـادل الحمـادي

 

الشاعر عادل الحمادي

عـليه لچیت گلبـي.. ماله چاره

او حرام انچان عگلي ماله چاره

الیجن، غیر التقـید !! ماله چاره

و انا مـن قیـود وده جنـون بیه

لـ عـادل الحمـادي

جديد عادل الحمادي

مثل شمعه بليالي السود واييت

لهم روحي و علي باخلاص واييت

حلفت بكل حـروف القسم واييت

المـوده.. اهـواكم و جارو عـليه

لـ عـادل الحمـادي

ابداع عادل الحمادی

بعد ما بیه حیـــــــل امطال وکتل

 

اسای البالگلب والصار وک تل

 

أما آن الاوان و حــــان وکت ال

 

وصل و تزیح ظیـــم جفاک الیه

 

 

اهنا یالچان یــــــــــــلهج دوم بسما

 

لسانی وگلبی چان یطیـــــــر بسما

 

کلشی آنه احسبتله حساب بس ما

 

حسبتک یـــــــوم تنطی اعدای بیه

 

 

 

عادل حمادی

 

بـچیـت و للـجلاده اردان !! مشحوف

لدمعتي و طر گطعـت البید مشحوف

الدمع هور و هوى العذبات مشحوف

رکـس !!.. بـأول مهـب جفـيـان بـیه

عـادل الحمـادي

 

 

 

 

 

 غزل شوگك یگلبي من نسوله اف

او گعدت آکل بروحي من اسی و لف

الگبل یفهه اعلى حلگي من اسولف

اشعجب !!.. هالیوم یتطاول علیه

عادل الحمادي

 

 

خضر یابس.. المنجل لو یلي یحیش

او خصیم السیف بالشر لو یلي یحیش

الاصایل حگهه تلجب !! لو یه الیحیش

امسرج !!.. و الکدیـش یحي بـخیه

عادل الحمادي

 

 

ﻋﻠﻴﻚ ﻣﻦ ﺍﻧﻜﺴﺮ.. ﺑﺎﻟﺮﻭﺡ ﻟﻮﻳﺎﺕ

ﺻﻔﻦ ﻭ ﺑـﮕﻠﺒﻲ ﻻﭼﻦ ﻟﻮﭺ ﻟﻮﻳﺎﺕ

ﻳﻮﺟﺐ ﻣﺜﻞ ﺍﺑـﻮ ﺍﺳﻤﺎﻋﻴﻞ ﻟﻮﻳﺎﺕ

ﻳﻨﺐ ﺑـإسمي و يلم ﺍﻟﻜﺴـﻮﺭ ﺑﻴﻪ

ﻋﺎﺩﻝ ﺍﻟﺤﻤﺎﺩﻱ

 

 

صحیح المرض حط بعضاي لویه اع

..ترف ؛ بس بورع داریت لویاع

یشد بطنه اعله ظهره الشهم لویاع

یمـوت و ما یمـد چف للعطیه

عـادل الحـمـادي

 

 

شحـم عیني !! بغيابـك سل همیته

او حـرام بـليل جـفنـي.. سلهمیته

تعال و شوف روحي، سلهه.. میته

او نعش !!. لـو ما نفس لهواك بیه

عـادل الحمـادي

 

 

تمت ليك البلابل.. و انه مت ناي

الي و بدروب هجرك وانه متناي

جبل حمل المـصايب و انه متناي

مـتن نـمله الهـبوب ايـميل بـيه

ﻋﺎﺩﻝ ﺍﻟﺤﻤﺎﺩﻱ

 

 

 فعل صاحي ابد ما اصیر مهماز

ولا گلبي یطـخ لإبـلیس مهماز

الیمیز الباز بین الطیـر.. مهماز

کذا میزه بـبوذیتي تشوف الیه

الکبیر عـادل الحـمـادي

 

 

 عمن گد ما دمع یا ناس بدین

عیوني و صار عندي ارداد بالدین

من الیطیني منکم عین بالدین

ارید ابچي اعله ظیم المر علیه

الکبیر عادل الحمادي

 

 

 ﺍﺑﺪ ﻣﺎ ﺍﻋﺪ ﻋﻤﻠﺘﻚ !! ﻣﺤﻤﺪﺍﻭﻱ

ﺩﻟﻴﻠﻲ ﺍﻟﻤﻦ ﺻﺪﻭﺩﻙ ﻣﺤﻤﺪﺍﻭﻱ

ﻋـﻠﻴﻚ الگلب لو ﻭن ﻣﺤﻤﺪﺍﻭﻱ

لحد سابـع مـجره یطـوف ﺑﻴﻪ

ﻋﺎﺩﻝ ﺍﻟﺤﻤﺎﺩﻱ

 

 

ﺳﺨﻲ ﻭ ﺍﻳـﺪﻱ ﻣﻦ ﺍﻟﻠﻪ ﻳـﺪﺭﻭﻳﻪ

ﺍﻭ ﺛـﺎﺑﺖ ﺩﻭﻡ ﻋﮕﻠـﻲ.. ﻳـﺪﺭﻭﻳﻪ

ﺍﻟﭽﻬﺒﻨﻲ ﺍﺩﺭﻱ ﺑﺴﺠﻴﺘﻲ ﻳﺪﺭﻭﻳﻪ

ﺷﺠـﺮﻩ ﺍﻧـﻪ ﻭ ﺍﻋﺰﺏ ﺍﻟﻨـﺎﺭ ﺑـﻴﻪ

ﻋﺎﺩﻝ ﺍﻟﺤﻤﺎﺩﻱ

 

 

حبیبي الهم صبر ظلیت وحلف

علیك و کلهه ضدي الناس وحلف

اجر كالآخ ثق بالنفس.. وحلف

اتشاهد من یمر ذچرك علیه

عادل الحمادي

 

 

سوى جرح الغدر.. يا جرح يلما

دليلي الچان ورده و صبح يل ما

وفيت.. و منك ابكل حال.. يالما

ردت بس خوه؛ ليش اگصيت بيه

عادل الحمادي

 

 

یکرم السامع..

تبده مـن انچفت هـالروح.. چاسل

صبر و الهم طغی و لعضاي چاسل

الکفـو.. عني بـولاة الوکت چاسل

الیجي بـوکت الفـرح غـباش.. غیه

عادل الحمادي

 

 

 

الـوکت هیهات ما یضمن ویمن

فـرح و یطمـئن لـروحي ویمن

اشچي المـن جرح گلبي ویمن

احط و افرش شلیل الظيم الیه

ﻋﺎﺩﻝ ﺍﻟﺤﻤﺎﺩﻱ

 

 

 عليك انشد و ادور مدن ورياف

او جرحي ما يفيده اخياط ورياف

او علي اعرگ من تمر شمات ورياف

كشجره و ريح گشره اتهب عليه

عادل الحمادي

 

 گبل میتات.. لچن گوي الا چن

القلم یأحرف و شعري گولاچن

ﺍﻧﻪ مـن الظیم واگف گوه لچن

اتـعـب الراد گـوه یـطیـح بـیه

ﻋﺎﺩﻝ ﺍﻟﺤﻤﺎﺩﻱ

 

شجاه گلبي بصدودك طمعاهم

اسى و بحفور هجرك طمعاهم

الملائـك !!.. بیك ربك طمعاهم

لـذلك سـجدو لآدم !!.. سـویه

ﻋﺎﺩﻝ ﺍﻟﺤﻤﺎﺩﻱ