كمغناطيس يدعج فاك يريش
یر شفتي ورشفته ابولع يريش
احس فای امنهد رشفتك يريش
عسل و اگبل علیه النحل عيه

يخل بجفاك كرني الشوگ كرميش
ابعداله و كرم بيه اعداي كرميش
دعانی اوذر واحس إبنار كرميش
وجهي وصب دهن گصتي اعله اديه

 

ابدلع یمشی الرشا و بردف فرفور

واحس الدم یخی بحشای فرفور

الصدر درگت عسل و الثغر فرفور

وگرط ینگرطن اشفافه الشهیه.

فاس الشوق حد سنه يمرباي
كنخله و يثقب ابهجرك يمرباي
يقاوي الموت اهون لي يمرباي
و لا اويه الماخذك تمرگ عليه

ابضرام الحزن گلبي انثگَب دوا
الوكت هل منسگَم شيفيد دوا
صفت روحي ابجفا الخلان دوا
ايتخاور بس عياي الريح بيه

ابوزاي ابعید چنت و حین یاکل
قدر و أبیا حظن لفیت یاکل
کذیب ابروحي أحس اجفاک یاکل
ابشراسه وخونگ النتاگ بیه

بدیتی و الدخل بیتی ربيتي
صفا و ملگای بعیونچ ربيتي
ابوسط درگت نحل ظنتي ربيتي
لما اشفاچ ابعسل مخبوص ميه

اشهگت روحی وغمیت ابیوم شالچ
حظن غیری وطحت من طاح شالچ
شعض اولا صبع بيداي شالچ
ندم وجفاچ گاضی امتون ادیه

 

عـــزیـــزالمطـــوری

عودالگــرنـفل🌿

يا بخت عود الگرنفل الله يدري اشگَد نجيب

الدايف ابروحه ابلبيخت جعد امي المملي،شيب
…؛
ويخنگ ابروحه ابشعرها ايغار من مشط الخشب
..،،
ايخاف يتمشط زلفها ويصگَع ابراسه المشط عن لا يطيح
ويبجي ابعطره محنه ابشارب الوالد دخيل

ايگله عمي ارجوك ظمني اسوالف الوادم ذبح يم شريعه
وبسلف لطشني ريحه

ابنيت الجيران ميته امهه وتدور
وتذكر امها الجانت اتخليني شمه الثوبهه ابگَعدت حبايب

وتنگَل ابجدم البواجي

اتريد تلگَاني ويعثرهه ضحك بنت الشماته

وينحت ابخصري خشب چف الهظيمه
وريت اخلص حتى لتضيع اليتيمه
آه يا عود البخور اشمحله موتك
ونته شاچخ رجلك ابصدر المضيف وتنكت ابّشتك عطر
عزيز المطوري🌿

خل خل ینشتل بلگلب خلین
ابعگلی وقنا الحاظ الحور خلین
علی هینه الحشا امندمای خلین
ولا من حبهن اتصبح خلیه

اعيوني اتصد تلد لزين وتراب
البطن خصمه ابخزرته اتموع وتراب
الشهم من سلسبيل العذب وتراب
انعجن طينه اشمخف طلته عليه

عثر شوفي ابجبينك حين كاتل
زلف هندس يغاني الصدر كاتل
ابقنا الحاظك يقاوي ادريت كاتل
نفس وبچف لمس تنشب صبیه

النواعس من سفاهن علي سلتن
هنادی و حاویه الوجنات سل تین
ترف یمته الوصل بحشای سل تن
تظر لیما یحیط الحتف بیه

کبمبه و غز دلیلي البین غازل
شلال و فرني مغزل بید غازل
بده بدوه العسر لحواي غازل
حشه و چی ما قنع گص یوز ادیه

 

عزيز المطوري