الما یحترم ملح الگاع
لا تتفلح إبگاعه
الکله إبعینه حلال الناس
حطله إبعینه فزاعه
صامد صیر
المافهماك عنده إعیوب
الحایط صار های إسنین
شایلهه إعله صدره وحامل الطعنات
مایفهم حچی الساعه
المایسوه وتبیعه إرتاح
الفخر مو للشراه
الفخر للباعه
جاسم محمد الفتلاوي
قصیده تحت عنوان
(فرگتک موت)
یل ناسی فرگتك موت
مرنی وداعتك لا موت
من أهد ما غاب صوتك؟
سكته شارع بالي كلش ماكو صوت
لمن اذکر من تطب ساحت خیالی
هیچ گد خطوات رجلك
جن وصط راسی یفوت
عایش ابغار وظلام وباب ماکو!
وهجرك الیفتر علیه
لانی امام ولا رسول
حتی یحمینی
ویجی ویبنیله بیت العنکبوت
انته مو یمی صحیح!
بس اثر خدك علی چفی يعيش
حتي لو ماريد اذكرك من اصللي
ابچفی اشوفک بلقنوت!
هیچ گلبی اویاك
الك بس شوگ تارس
هیچ گلبی اویاك
تخجل منه نظرات النوارس
هيچ گلبی اویاك معروف ابغرامه
ومن رحت شگگ اثیابه
وضلت العشاگ تصرخ ها یعابس
عایش ابدونك وحيد !
بس تواسيني الجگارا !
کبرت اویای ابمحنتی !
ماتفرگنی ثوانی اتگول ابوها وهیه بتی !
إمعزبه حیل الصفنه عندی !
وأمس طيفك ضاف راسي
وچلبت چلبت عمه ابطیف صفنتی
حرگه الك بيه ابكثر ما بيه شوگ
ولهفه الك بيه ابكثرخللگ الله صارت
گتلی ما تبطی انتظرتك
ول سنه مرتین دارت
الحیره خو ماکو ابکبرها؟
الحیر من شافت عذابی اعلیك حارت
قسم بعیون الجروح
ثگلت اثیابی علیه وجدمی گمت ابزور اگلله
شهگت افراگك طويله ابطول صبري
إبالي مرت هزت ايدك
چن رمح وبظهری خلله
امتانی جیتك وگفت العود اعله نار
وعینی طول الیل تدعی وگلبی الك فرضين صلله
آنه خو ماعندی خاطر
ادری خو ماعندی خاطر
عاد مرنی الخاطر الله.
ک:جاسم الفتلاوی
الچفوفه ابعطف علراس تمساح
فرح من شاف دمی نزف تم ساح
المثل مگیول دمع الچذب تمساح🐊
اعرفنه اوگلت یبچی علیه.
ک:جاسم ابوحسین الفتلاوی
🌱🌱🌱🌱🌱🌱🌱
گلبی امنل ربع بیده یر اطنون
حزن ولفاهم الینظر یرا طنون
ابلغزوکت الحچی یمی یرطنون
ابگفای اشلون شیسون بیه.
ک:جاسم ابوحسین الفتلاوی
🌱🌱🌱🌱🌱🌱🌱
یعین المن دمع بیرچ سلیتی
اویروح ابعد فرگامن سلیتی
ابحر زودالربع طاحت سلیتی
لچن بس الحزن صادته الیه.
ک:جاسم ابوحسین الفتلاوی
🌱🌱🌱🌱🌱🌱🌱
المصایب چن مراجع علی یفتن
قهر وسهامهن بلچبد یفتن
عوفه الگام بین الربع یفتن
الخضر ولیابس ایشبهن سویه.
ک:جاسم ابوحسین الفتلاوی
🌱🌱🌱🌱🌱🌱🌱
صفگ صفگت فرح مرتاح بعدای
عضیدی اوچمل الاهات بعد دای
اصبحت عندی ثقه موخوف بعدای
الاخو قابیل خاف ایصیر الیه.
ک:جاسم ابوحسین الفتلاوی
🌱🌱🌱🌱🌱🌱🌱
ابراحته الوکت لچلای علاس
ولی السان الرهم یاحیف علاس
الامنته اعله بیتی طلع علاس
اویه ربعه الظهر شفته ایبوگ بیه.
حشه القاری
ک:جاسم ابوحسین الفتلاوی
🌱🌱🌱🌱🌱🌱🌱
نخیت اخوانی لاکن من اخوتی
خله الگصه (تعرگ) من اخوتی
صرت یوسف وصیح من اخوتی
جفو ولبیر هزته الخویه.
ک:جاسم ابوحسین الفتلاوی
🌱🌱🌱🌱🌱🌱🌱
ابوضوح الشمس وضحت بینه خوتی
طحت ولطیحونی ## بینه اخوتی
صرت کلمت کناوا بین اخوتی
او تفر احلوگهم فر غزل بیه.
ک:جاسم ابوحسین الفتلاوی
🌱🌱🌱🌱🌱🌱🌱
خویت اوماتهمنی ها یخوتی
و لا غیرت مره *ها یخوتی
طحت من صحت بیهم هایخوتی
ضحکهم کثر الطگات بیه.
ک:جاسم ابوحسین الفتلاوی
تحیاتی لکل الشعراء ومحبین الشعر اخیکم جاسم الفتلاوی
*مای و طین*
تعالی ابواهس الورده!
وأنه اتلگاچ مای وطین!
خل إیبین المضموم
عفیفه إسوالف الیهوون!
خلی الغیر لا یرضون!
حرام! ادری إحنه شمسوین
یمحبوبه المهم عند الله معذورین
الیرید ایلووم خل ایلووم.
تعالیلی !!!!!!!!!!
أنه ابروحی ورد مشتول!
والبروحه ورد مشتول !
مارایح یعیش إهوای بس چم یوم
أنه ابریتی نفس عشاگ!
اذا مر بیه ریح افراگ!
یخنگنی مثل جیثوم
أنه ابروحی سوالف مای
نورس عایشه ابروحی
حظنتنی العمر کله!
رادت بلعشگ نکبر!
بس ما کملة الفرحه!
چا شنسوی للمقسوم.
جاسم الفتلاوي
الأهواز-السوس
لفتات ربك یلتفت
بیهن الخیر وداعتی
مانام من یمك چنت
بس هسه أنام إبراحتی
ما چان بیه اصلا نفع
إیدفعونی من أمشی دفع
وهسه إتقایس وی ذهب
لو ذب أذب اوشالتی
کثرت خیری ابروحتك
ما أعرف امنین أحچی
لو أحچی بلخیر الوصل
ینرادلی إهوای أشرح
الحزنك چنت من أبچی بس
هسه أبچی بس من افرح
إخدودی چانت ذابله
بس هسه أبشرك من رحت
بخدودي گمت أتفلح
إبحبك إمعلگ چنت
گد ما تفر بیه دخت
لا طایر ولآنه الحاط
بلهوا وما عندی نفس
وبلگاع أحسسن مختنگ
لعیونی بهمومك غاط
إرموشی متخضر گبل
چان ال شعر بیهه الگاط
إجفونی ردت ترتوي
وإرموشی گامت تزدهر
فاتلی من عدهه إبساط
جاسم الفتلاوي
الأهواز-السوس
قصیدة تحت عنوان (طاری الشوگ)
👇. ..👇
عرفتك من صدگ کرهیت طاری الشوگ
میتلك ...........( گلب ) ینرادلك دفان
ابراسك لا تهز......من حچیك افتهمیت
رایح ینتهی .....البیناتنه احنه الچان
امخلفتك شته کل هل بروده امنین
انتظرتك حظن دافی وجیت نص اردان
أنه تفاحة آدم..؟...بس کلانی ابلیس
گلت بلعافیه اتراوالی وجه انسان
لاکن مو غشیم الغشمه هبت ریح
اعاند ریح... لو چنت ابجسم دخان
إناعم بلسوالف.... لدغته ابکلمات
إمنثر لدغات حچیك بلظهر نیشان
الماراضع احساس امنلحساس ایضوج
فرق بین الورد وی لمست السندان
تخجل من تسلم وصل هل حد بیك
بعدك ما تعرفه المنصدگ خجلان
کل بلبل نبی ابراس الحدیقه ایصیر
اذا تکتل البلبل....کاتل البستان
ابحیطان المدینة ابکل شبر ذکراک
أشمهن من أمر وشبگ علی الحیطان
صاحبت إشکثر طیف وسهر ودموع
دخان و دمع بس ما اجه النسیان
اسد اعیون افك اعیونی أفکر بیک
مو بیدی (سوادین) وصدگ ولهان
للشاعر
جاسم الفتلاوی
الأهواز-السوس