أنا ذاك ألي أخذ ظله ألظلام
میت ومحد یشیل أجنازتة
أکل بی(ه) ألجوع حد گطع أنفاس
وبقساوه ألدنیا سلبت راحتة
أنا ذاك ألي طعم حلگ ألمجاع
ودفو للبردان قدم صایتة
وانا ذاك أللبست ملبوسي ناس
من مشت گالت ولحنه أبعازتة
أنا من شفت ألصبر شایب نحیل
أنطیته عکازة وصرت تچایتة
وهسه أنا ألطایح وصایر علیل
وللأسف محد صبح عکازتة
أنا ذاك ألبحث بلحي کل مکان
عید راد وفرحه چانت غایتة
ألعید مشلول ألقدم لا ما أجاه
وألحزن گررض طرف دشداشتة
أنا ذاك ألعاش خیر وبلجنان
وطاح غلطة وما أخذ تفاحتة
وأنا ذاك ألي نسته أﻷقرباء
میه عمرا وما درو عن حالتة
أنا ذاك ألرکسته أخوانه بیر
وشاع جوع ألذیب چان أبحاجتة
وألقوافل طافت أحدود البلاد
لچن ماوصلت أحدودة وشالتة
أنا ذاك ألمنتظر مر ألنسیم
یهب لاكن ما یطر أولایتة
ورایته مختنگه بس میمرها ریح
أیضخ نفس ألهه وترفرف رایتة

ك，محمد کاظم مزرعه