ضعن خلّي اعله بابي
مرَ وَحدَه.
واحس سیف التجافي
مر وحده
يربي..الصور یُنفخ !!!
مرَ وحده!!!
وانه ابکل لحظه نفخة صور بیه
ابو وسام الطرفي

👈👈 خاص 👉👉

ابجميع اعضانا احس حبك
بلبنه
ومثل فستق طعم ياجد
بلبنه
يمن خدك زبد ناگع
بلبنه
اضمك ياكتر والنار بيه

دواوين الحميه
مو زچني؟؟
بميادين المزامط
مو زچني !!
امس بحلوگ ربعي
موزه چني
اشجره وگالوا طعم حنظل عليه

القناعه مو کنز گالو؟؟
کنز وین!!!!!
صفه..والخلگ واحدهم
کنز وین.
لحد العام احس حظي
کن ازوین
السنه اعله الكهف رد نام بيه

قصة شوگ حبنا
من تله فها
فهمها وراح يعرف
من تلفها
الكوفيه يــــ ولفي
من تلفها
عله اچتافك تلف يعرب هويه

 

ابو وسام الطرفي

تتبارك الناس ابجيتك ليش
سوال ابداخلي يحتاج تفسير

شهر لمن تهل تفرحلك الناس
لكن بالمقابل بيها اليحير

قصدي اعله الفقير الّاچه العوز
وماصحت ابیته حبة اشعیر

واذا صحت یحیر ابجیت العید
چسوة عید مامش لبنه الزغیر

وی کل یوم یخلص تخلص الروح
مثل الشمع یحرگ روحة وینیر

بس شینیر وهوه امبهذله العوز
وصفه چیمة حطب داخل تنانیر

التنانیرالبشر مقصودی من های
البیهم خیر بس لأهل الدنانیر

صگور اتحوم صاروا لاحه الجوع
وتمر الفقره من یمهم عصافیر

اشتظن بیهم رحم ناس المثل ذول
وهمه احلوگهم مثل المناشیر

اشما راحت ورجعت تاکل الناس
وکلشی السد دربهم بالهوه ایطیر

اذن نتبارك الهم جايهم خير
ونعزي الگضه عمره مثل البعیر

بیر الفقر مظلم یاخذ الروح
وبس ربک الک یلطایح اببیر

یمر رمضان صایم بي ابو العوز
واهل الخیر تلگاهم مفاطیر

ابو وسام الطرفي

ماتدري زماني اشراش
وشباخ
ألم..لامايهيد ابــ آه
وش بــ آخ
تِشَكلْ من تطب للروح
وشباخ
صفَتْ چَهفَه ..الجروح اغماج بيه

 

المصايب لاتظنهن
خي لهلنا
رغم تأثير واضح
خي لهنا
وعلي لو يوم تصل
خيل الهنا
السبعه تطيح كلها اعله الوطيه

عمت عيني ابغيابك
مابها ارا
وجميع افكاري تاهت
مابه.ارا
حرب بيني وبينك
ما بها را
تدوم ابجاه حيدر للمنيه

ظنوني اسكنن راسي
وشهذن بي؟
وبقيت ابحيره افكّر
وش هذن بي
يربي ويَ الجفوني
وشهو ذنبي
الوفه!!!!! لو طيبتي العمّت عليه

تسن قانون هجرك علي وفگيش
غشيم وبالجروف اتفوي وفـــ گيش
حرت مدريت وفگي وياك وفگيش
وفگ سمچه انوچل واالذم عليه

 

يدنيا امضغبره اشمالچ
شجالاچ
مثل گلبي صبح هايج
شجى لاچ
حلگ عوزچ دگليلي
شجا. لاچ
ثوبي وكشف كل مستور بيه

 

ابو وسام الطرفي الطائي

جميل

الوكت ميدان هوسه
وانا اضب بي
وتراخه احزام صبري
وانا اضب بي
انا فاضل...اوداعه....
وانا ضبي
وانا المايود روحه تعيش بيه
ابو وسام الطرفي

تفنن بلكلمات

تنشر لاول مره

،،،،،،، (خفاجيتي)..........
لملمت القوافي وجمعتلي احساس
اشلون اگدر اوصفچ ياخفاجيتي

يادمي وهواي ويا نبض شريان
يا امي و. ابوي و كل اهل بيتي

يا ساس النشامه وساس الجويدات.
يا صدر الرضعته وساس طرفيتي

يا شمس الكرامه الضوت اعله الناس
يا اطهر هوه مر ابوسط ريتي

يا طيبة ارضنه ويا صبر فلاح
ياچلمة بخت سترت دوانيتي

يا اكبر مضيف امشرع البيبان
يا ريحة الگهوه وبخت چفيتي

ياكل العشاير بيچ اشيل الراس
يا عنواني واصلي وفخر جنسيتي

يا ام العلم والفهم والاخلاق
كل عمري افتخر لن بيچ تربيتي

رمز ذني الجمال ايدل اليگصدون
ليچ وثبتن للناس قوميتي

شاعر من صرت مارحت ادور صيت
وحگ حيدر علي بيچ ارتفع صيتي

عندي امنيه وحده ورحت للعباس
امن اخو زينب طلبت ايحقق امنيتي

يحفظچ انتي واهلچ والذي يهواچ
عربيه واثبّت بيچ عربيتي

ابو وسام الطرفي

ابـــــكل نگـــلت جــدم لـــــيه
احس چن
گرب موتي وملك موتي
احس چن
ابروحي .ويا محاچيي
احسچن
تره الفاضل مشوا يسرون بيه
ابو وسام الطرفي

الچنت ناعور اعبّيله
وبدلا
وگلت مايوم اعوفنه
وبدلا
يگلولي جفه وخانك
وابدلا
اگلهم ..والدليل الروح بيه
ابو وسام الطرفي
نبض عرج المروه وحیل
عباس
وعبّه ابصدره کومت غیض
عباس
اعتنه للمشرعه ابکل زود
عباس
وسحلهه اسحول لجدام الزچیه
ابو وسام الطرفي✒

هجرني الچنت اظنن
انسته اني
شسوي؟؟ الشوگ اعوفه؟؟؟
انسه اتاني!!!!!
بقیت ابحیرة امري
انسه ؟؟؟؟اتاني؟؟؟؟
اتاني أحترگ!!! انسه منیه!!!
ابو وسام الطرفي✒

الجدم عگبك یغالي
سچته الهم
وقطارات المدامع
سچه تلهم
( د ) رد والحچوا عنّه
سچتلهم
تخیط احلگوهم ردتك علیه
ابو وسام الطرفي✒
دلیلي من مرار الوکت
مل چوم
وکل ساعة من الخوان
ملچوم
وسط راسي سکن واستقر
ملچ ام.
ثكلی وحن گلبها ابمغربیه
ابو وسام الطرفي

 

العم اباعسكر الحمداني يبدع

كافي اعناد!
ندري انحب بعضنه اولحدهسه ابعاد...
گضينه العمرنحرگ للوصل بالروح!
اوهفت موگد عشگنه اوباقي بس ارماد...
كافي اعناد!
ايوب الصبركلش ثگیل اعلیه
لاکن حصل اشماراد...
اویعگوب انتظریوسف عمر مهموم....
بس ردن اعیونه ابجیته لمن عاد....
کافی اعناد!
واناصبري عليك اتعده صبرايوب!
لاواشوي بعدليغاد....

كافففففففففففففففييييييي
اعناد

ابوعسكرالحمداني

جمیل من هل ابداع جمیل

اندور عله اسم اللة ابّين كل الناس

واخجل من اگولن کل شي ما شفنّه

 

الچاتل يذكر اسمه و يذكره المچتول

الیشیّّع یذکره!! أیذکرّه الیدفنّه

 

ولوما قل هو احد گال بالقرأن

استغفر الله.... ابهاي شككنه

 

اليذبح بالبشر ايصيّح الله اوياي

و المذبوح لله ايصيح مرجعنه

 

والناس الفقاره اتحيّرت بالدين

واصحاب الالباب افتهموا الفتنه

 

ماشفنه مسيحي ولا يهودي الطاح

الّّي ايطيح مسلم منّّه وعدنّه

 

اذن هذا مخطط من ابن صهيون

رايدهه اتّاحر شيعه وي السنّه

 

يسمي اسلامنه الطاهر ابدين ارهاب

ويدّگ بطبوله وبطور الفتن غنّه

 

مایدري الاسلام امحصنه الله ابسور

بسم النبي واله وصحبه امحصنّه

 

باچر یطر فجره ابجیت الموعود

الأمام المنتظر وتخلّص المحنه

 

المسلم اخو المسلم گالهه المبعوث

ونفدي الدين كلنه ابمالنّه ودمنّه

 

وتشابچ اچفوف الخوه من اجدید

اخو ویاخذ اخیّه ابگلبه ویحضنه

 

ابـو وسـام الطرفي 10رمضان 94

ینذهل عقل القاری

الوکت یرني اعله ضيمه ونحدر باي

 

واكابر ما اطاوع وانحه درباي

 

أنه اضحك ما دروني ونْ حدرْ باي

 

امن اچَشْفَه اتْشيب خَلگ اللّه علیه

 

ابو وسام الطرفي

 

 

وحگ من طاح بل محراب و ندب  

 

 فزت..هجرك نحت لي اثار وندب   

 

 سره ابيا كتر حبك شوف وندب    

 

    ابلب احشاشتي وحط داي بيه    

 

             ابو وسام الطرفي

 

امس شیطان روحي وس رجلهه

 

اعله دارك نوه ابخيله واسرجلهه

 

 تلگاهه ارد اگلك واسرج الهه 

 

شموعک خل یعید ابلیس بیه      

 

       ابو وسام الطرفي

 

 ابدليلي بسمتك والعين بن ود

 

 وصرنه اوياك نگضي العمر بن ود

 

مثل ضربة علينه الراس بن ود

 

 جمالك هيچ حط اصواب بیه 

 

 ابو وسام الطرفي

 

 

: الحزن کلشی الیریده لاگی ییه...

 

سکنی ومن سکنی لاگ بیه...

 

تصور چیف یوسف لاگه ابیه...

 

کشوگه ولهفته الملگاک ییه...

 

ابو وسام الطرفی

 

 

 ماتدري زماني اشراش وشباخ

 

علي هم ...مايهيد ابآه وشبآخ 

 

 تشكل من تطب للروح وشباخ

 

صفت چهفه!! الجروح اغماج بیه ابو وسام الطرفي