اليل ميزاعل نجم....
تخرب كشخته..
هاذ انه لورحت تخرب
كشختي.
شوفتك تشبهه حدايق
عفيه بيك اشتلني ورده.
جفني ساهر
يلخذووووووووووووووووووك....
وين اشوفك
تعثر ابعيني نعاااااس..
خنجرك عااااااش اعله ظهري.!
وهسه ابنه ابگد ابوووي..'!!!!!!!!!
حيلي حدرك.شرد اگوم.
اعضاي لگطهن اخوي..!!
انه طاهر بيه بير...
امشي وياي ابعداله انطي يوسف..!
محنت المكتول ابنهه.
ابليل عرسه.هاي سهله.
والله ماتلحگ محنتي...!
..عّبّأسّــ ألّـچـلُّدآؤـيّ..
ابدماعوزک الدگه ولاتل
ولاجسرالحمل ثگلک ولاتل
خنس من رسمک الراودولاتل
انهیم بیتک جمالک صاراذیه
حسن العوفی سلامی
لمحات تاريخية عن حيات الشاعر المرحوم ايفير البْحير السلامي
شاعرنا ايفير بن ابحير بن ادميع بن اشميسي بن دخان بن اسوادي السلامي، شاعرنا من اصل عربي عريق أقدم شاعر مِن شعراء الأهواز مواليد سنة 1223 شمسي مصادف سنة 1845 ميلادي في قرية السويسه القديمه ضواحي مدينة الاهواز وسكنُ اهلهُ فترة قليلة في طفولتهِ في قرية العميره ضواحي مدينة الاهواز وأنتقلُ الئ قرية اربيخه متابعه لمدينة شيبان ، وكان لهُ ولدٌ واحد فقط اسمهُ وهب ،
يعد شاعرنا ايفير البْحير مِن الشخصيات العربيه البارزه في تاريخ العرب الحديث كان يعيشُ في زمن حكومة شيخ لفته قبل حكومة الأمير شيخ مزعل وشيخ خزعل الكعبي،
عاشر كثير من عشائرنا الكرام :وهن عشيرة الحميد وعشيرة الباويه وعشيرة الزرگان و....وعمره في الخمسينات فقد البصر
شاعرنا كان انساناً اُمياً لا يقرا ولا يكتب ولكن كان يرتجل في الشعر بصورة بديعة وكثير مِن اشعارهِ ارتحل الئ عالم النسيان
وَجالس مع اعظم شعراء البِلاد وكانت بينهم مساجلات كثيره في الشعر منهم :
الشاعر المرحوم عبود الحي سلطان الزرگاني والشاعر المرحوم مزبان الاميري والشاعر المرحوم امحيبس الهليچي والشاعر ملا امحمد المايود والشاعر شيخ مطلب و....
شيخ خزعل الكعبي كان انساناً متذوق الئ شعر الشعبي ومِن شدّة حبهُ الئ شاعرنا الكبير ايفير البْحير حيث كان يتفاعل ويتعاطف في كلماتهِ المميزه وجَعل لهُ راتب كهدية متواضعه،
يوم مِِن الايام شاعرنا ارتحل الئ قصر شيخ خزعل الكعبي ولم يَجد الأمير في قصرهِ فأسئل الخَدم اين الأمير لم اشْتَمُ عطرهُ في القصر?
فأجابو بصوتً هادء :
لم يعود الشيخ الئ قصره فأيس منهُ لم يعود قط
فأدرك الأمر وأرتَجل بهذه الابوذيه وهذا البيت يدلُ عن ذلك:
العَدل يمعش مِن الدنيه معاشاي
الميت هم خذه الگبره معاشاي
يرام عي النِعم لا تگطع معاشاي
چهبتي الغيركم تكلف عليه
شاعرنا ايفير البْحير أنتقل الئ رحمة الله الواسعه سنة 1313 شمسي مصادف سنة 1935 ميلادي وندفن في قرية عله العِگده متابعه لمدينة الأهواز
هذه أبيات من شاعرنا الكبير نقدمها لك يا ايها القاري الكريم:
ملچک مایحب یامیر ملچای
هما هیبتی و بضیج ملچای
توغیلی ويمر السعف ملچای
الگص ابزورته ماضخن فيه
أرید اتبع سفیه العگل لوتاه
وحل امنل حبل سبعین لوتاه
انا خوفی امنل مربوط لوتاه
ایسیر اکلف من التایه علیه
کفو من گال لظیوفه یحیون
نمر واعداه من عنده یحیون
اساءلکم علی الماتو یحیون
اشخذوا غیر الچفن تحت الوطیه
شهگ طیری و دگ چفی وشل بیه
فتگ وإلدهر شادهنی وشل بیه
أسألک علبحر گلی وشل بیه
إنهدم جرفه و تخوض إلأرض بیه
آیا أحباب گلبی من یعلهم
إیسرونی و لایصحلی من یعلهم
رسول إلبین شخبر من یعلهم
جفو یا فرحة إلشامت علیه
وحق إلقاف إلموصف من ذل
سعید الرجل لو یسلم من ذل
غشیم الیکتل الحیه من ذل
یشوشه و تکتله ابلا وعیه
إلعنده إرجال کل أطراف یرعا
شري الیگطع بأسه البلعوم یرعا
إلخطر ماینگطع من غیر یرعا
إلجبان ایموت موتت مهظمیه
إجعودک یا شریچ إلعگل فیهن
من إلطرن علینه و کسر فیهن
زحت بینه إلمنازل یوم فیهن
أباحت بل وصل یاصاح لیه
أحد إلأیام إلشاعر المرحوم مزبان إلأمیری
ضاف إلمرحوم : ايفير البحير : ...
کان شاعرنا بعسر شدید حتی ما کان أن يستطيع بضيافة فنيان شای
فقال للمرحوم مزبان الاميري:
حایر ماعرفت أعیار منی
معسر ولأیواد إترید منی
لون ینگص لحم ضرعان منی
طعمت إلجار و المجبل علیه
فأجاب علیه المرحوم مزبان:
عله دون إلأمنان إیزود منک
وانته بحر نطلب علم منک
إشیکره إنته تگص ضرعان منک
معروف انته بوچفوف الصخیه
وهذا البيت بحق الشاعر المرحوم ايفير البْحير، بقلم الشاعر الشاب علاء السلامي:
الشعر خاتم أبأيد إیفیر ویفر
بی وإلعگل منه إیتیه ویفر
الشعب ضایگ لسان ایفیر ویفیر
لسان الشعب و یفسر إلأذیه
حسن العوفی سلامی حفیدالمرحوم ایفیر
ابسوگ الشعرماذربل
وجدی
کلامی اویه العوی مگبل وجدی
عیب احچی ابحچی المحچی وجدی
ایفیراونبط عرج الشعربیه
محچال الدهرروحی یفرها
شمرهه ابگاع ماینطر یفرها
هایمعمرالزوره یفرها
ابذخرجاسم زهت مابقت فیه
ابکرخ الدهر مابالی من
ایفر
یظل یجلب جدرصبری من
ایفر
یهل گاعد طرف تنشد من
ایفیر
ایفیرالحیله یسبج کل قضیه
أعداد:عبدالرضا الرفیعی
إبخسوف أغشي إلمُقل بل لحظ یولاح؛؛؛
گمر؛دونك ألج لو رجه
يولاح؛؛؛
إلمغرضیٰ إرضیٰ و مرضهیٰ إلبغض
يولاح؛؛؛
صرت؛وإتعضعضت و إهواك بيه.
ك٪محمدعلي الصاكي
کـحود الهـم علي سرحان ماحاد
علی صیده و للذبح سچین ماحاد
دعاین.. غیر حزن جفاك !! ماحاد
علـي مـر و نشـد یا حـال الـیه
لـ عـادل الحمـادي
إبجفاك إضرَمن مني إمعاي وِذما؛؛؛
دِلو شوگي إعله بيرك گطع وَذما؛؛؛
إبظماي إدهورأظل يمهور
وِذما؛؛؛
ثِغْرَك لِمَع تِدلي إشفاي ميه.
ك٪محمدعلي الصاكي
تخزن جرحی وشینفع شلاله
یهل همی علی لوفز شلاله
لگانی اصلع اجه ینثرشلاله
میدری الوکت گص اجعود لیه
جدید/حسن العوفی سلامی
لوحه صرت بید الزمن.
ینظر الیه و چن صفن.
یرسم یرید و نظرته.
ملیانه آهات و شجن.
ماعنده الوان الرسم.
وابلون الاسود معتزم.
دافن مئاسي و ومکتئب.
صفناته بحزانه حچن.
عاندته عمدا" ماردت.
یرسمنی الوحدی خفت.
انرسم ابشرط اقبلت.
ابجانبی یرسم وطن.
عاهدنی یرسلمی بلد.
یملک افراح ابلا عدد.
عایش وبسکن بی شعب.
متهنئ عیشه ابلا محن.
یرسملی عنوان الصلح.
باب الحریه منفتح.
یرسم طیور ابلا قفس.
وبحفظه علشجره غفن.
مارید یرسملی جرح.
والبسمه من شفتی تشح.
یرسم سلام ابدنیتی.
وحزان من عندی جفن.
ك .محمد کاظم مزرعه
لجل ألعید تشري أﻷغنیاء أهدوم
ویتامة أبلا هدم جبرا" تعاید
بیش أشري ألهدم،مو ثوبي مهزول
وهدم هاي ألحضارة أبکبرة باید
ك .محمد کاظم مزرعه
يصك كالميت ثق جسمي تراجم؛؛؛
مده أودادي إلإلك و تشك
تراجم؛؛؛
إحرمتلي إبحَج جفه وبيدك
تراجم؛؛؛
غرامي؛وصوريت إبليس بيه.
ك٪محمدعلي الصاكي
إبطوه إلحيّه رفيجي مشَطوله
بنا ثوبیٰ إليغشني مشَطوله
شعر راسه إلعواذل مشَطوله
حمل فکرت إبليس وخان بيه.
ك٪محمدعلي الصاكي
💢 قصیده💢
💫ب ✏ یوسف الغرباوی💫
ابقسمته الراضی بیک . امغمض و مختار
لایفرح . مثل ما حصلک یفلس
کون ایشوف بیک الشفته منک چا....
فگه چان ابجمر مو زلف یتلمس
ابکثر خفت البیک اذنوبک انته اثگال
عوزک ذنب واحد . توب لا ترکس
اوعلی امن اصطبی الخصرک . الگه غرفت نوم
او واهس تاجر الگه ایرید یتونس
بشر؟ انته فلس؟ تفتر امن اید الاید
تعس و التمر بیده ایصیر بعد اتعس
عرفتک من گفاک اضوج من ملگای
انه الکشاخ اعرفه ابلصفت المحبس
یا ذلت عشگ . مرفوع راسه ابغیض
ذلت نهر ناشف طاسه منه اترس
کلشی او لا ابروده العاشگ اتراوی
اذبحه او لاتخلی الطیر یتهلس
الیحب یذبح امفارگ سیف مایحتاج
کافی ایگله ابن جیرانکم عرس
صدمنی اهواک . عریس و تموت احذا
مرته و چان بهدوم العرس یلبس
ابکلشی اتخون . بس بل روحه گلبک هیچ✋
یا شامت استادک؟ عدمن امدرس؟
امدلل ماتعرف اسوالف ابن الهور
و تستغرب لهفته و بلمه لو سیس
رمح من اید وحشی اسوالفک ویای
و انه ابکل حرف من حچیی بی نورس
و اجی ابریت عرس و اتنفسک تابوت
ابوکت . یگطف رزق دفان التنفس
کرهت الگعده من گد ما وگفت اویاک
الگضاها اوگوف یحرم نومه لو نعس
و لو ما نون نحسک بیه چا حسیت
اشیشیل النون منک حتی اگلهم حس
✨یوسف الغرباوی✨
علی المادون ما اسولف ولفشل
خفي و بثوبي الف رگعه ولفشل
الفاشل بالـحچي يسبگك ولفشل
الیصدگ حچایـته !! و یـاخذ عـلیه
لـ عـادل الحمـادي
عـليه لچیت گلبـي.. ماله چاره
او حرام انچان عگلي ماله چاره
الیجن، غیر التقـید !! ماله چاره
و انا مـن قیـود وده جنـون بیه
لـ عـادل الحمـادي
مثل شمعه بليالي السود واييت
لهم روحي و علي باخلاص واييت
حلفت بكل حـروف القسم واييت
المـوده.. اهـواكم و جارو عـليه
لـ عـادل الحمـادي
🐪🐪امثال شعبية اهوازية .....
1-الخاطر الورده سگیت الف عاگوله
2-اتحزم للواوي بحزام سبع
3-اسمه بالحصاد ومنجله مکسور
4-اتسوی اجویده اترد علیک اسویدہ
5-البعبه طلی ایمعمع
6-احفظ حلالک لاتخون جارک
7-الفگر فوگ الیمل والچلب عظه
8-اجه ایکحله عماها
9-ایراوی حنطه ایبایعه اشعیر
10-ایبیع طیر البالسماء
11-اصابعک مو سواء
12-اشما اتفصل نلبس
13-اصبر و الصبر مبروک تالیه
14-الگارصته حیه ایخاف من جرة الحبل
15-الرافج الحمير اربعين يوم يتعلم الشهيج والنهيج
16-الحيه والحساوي
17-دهن ودبس
18-الاگرع ایعیر ابو حبه
19-بیت الله ما انبنی فرد یوم
20-المالہ اول مالہ تالی
21-البلاش ما ینحاش
22-برهان وگطع خیطه
23-البیت بالوعه
24-بیت الذهب یحتاج بیت الگصب
25-الضیف ضیف الله والرزج عند الله
26-موشغل کل صخل علبیدر اتدوس..اترید ثور وشایب امهدم اضروس.
27-من جرب المجرب حلت به الندامه
28-لسانك حصانك ان صنته صانك وان هنته هانك
29-لاتحمدشخص تحتاج مذمته
30-الگصب لوطال یرجع لاصولہ
31-ایبوگ الکحله من العین
32-فاره وشایله احیاره
33-غیضة الرگ علی الشط
34-حط الفاله علی الگطان
35-الفاهم مایتعب
36-اصواب عمه وطاح بارنب
37-قوم التساعدت ماذلت
38-خیرالکلام ماقل ودل
39-زاگته الوساده
40-کریم(چریم) ابمال غیره
41-شعره من جلدخنزیر
42-دنا المهد گبل الولد
43-دجاجه الوراه افروخ ماتشبع بطنها
44-رییله بالخره وایعوعی
45-ایاک اعنی واسمعی یاجاره
46-اول شیخته شرم تراچیه
47-حچی الابیض ماکو احسن منه
49ـ شبایت خله شبایت عند امزیعل..
50-جیب الفلوس وخذ العروس
51-الما عند گعد ما عند سعد
52-الف خط ابضرگ بط
53-لو هل مرکب لو ما راکب
54-هوا فی شبک
55-مو کلمن سخم ویه گال انا حداد
56-السکوت من الذهب
57- ما عایش جانیله هوایش
58-شايف روحه بالمشوفه
59-الفلوس وسخ
60-بعد ما شاب طهروه
61-عینک علی حلاک دوا
62-لو جاک السیل حط اولیدک حدر ابطک
63-مانوش عنگود العنب ایگول حامض
64-هاذ الميدان يا حميدان
65-عگرب و حطت علیها احیاره
66-ابوگروه ابین بالعبره
67-امشي شهر و لا تطفر نهر
68-چلب العضک کتلناه
69- ادگ المای بالهاون
70-الگص بزوره ما ضخن فیه
71-حایط انصیص
72- سبع بوديه
73- طیر طالع منک ایعلمک علی الطیور الطایره
74- هذا الباب ایلوگ علی های الخرابه
75-حلاوه بجدر ممزوگ
76-حامیها حرامیها
77-موت یا حمار لما اییک الربیع
78-هذا المیدان یا حمیدان
79- چمل الغرگان غطه
80-باب الی یجی منه ریح سده و استریح
81-جاعد و مستریح یایبله دیچ الصیح
82- ما یعرف افوی ایگول الشط غمیج
83- طوله طول النخله و العگل عگل صخله
84-سبع صنایع و البخت ضایع
85- ضرس الي يويعك اشلعه
86-البخیل ماله للفطیس
87- طلي فاتحه لا یاخذ و لا اییب
88- اطرش بالزفه
89- طربه عرس
90-بیت الطرب ما خرب
91- سفاهه نفاهه و الخویره اطول العمر
92- مد اريك علي گد اغطاک
93-الما ایلحگک اسحگک
94- حیه تگرس
95-الاقارب عقارب
96-ياخذك للشط و ايبك عطشان
97- چنه عیوز ماکول عشها
98-لا اتطم بختک
99- يا حافر البير يل واگع بیه
100- ياخذ للبصره تمر
101- من بعد خراب البصره
102- ثلثین الولد علی خاله
103- درب الچلب علی الگصاب
104- الفلوس اتغیر النفوس
105-طگ الطاسه تطلع الف رگاسه
106- اخمام المده
107- لا هو سلج و لا هو حمیض
108- فلان لايحل و لا يربط
109- سیف المیرب
110- لما عنده چبیر ایحط اعمامته و یستشیر
111- لما عنده والی یاکلن الضواری
112- طالعه بزونه عینه
113-انطي العیش ال خبازته
114-طنبور طین
115-امشی ورای الی ایبچیک و لاتمشی وری الی ایضحکک
116-طالعه بزونة عینه
117- الذکر نکر
118-گلب شایب
119- خضه خضه و هو لبن
120-و داعة ام روبه
121- مهروش و طاح بکروش
122-ايودع الشحمه عند البزون
123- الگرعه اتزامط بگسایب اختها
124-الف صدیق و لا عدو واحد
125-من الطاگه باگه
126-لا تواری علی احد احد ما یتواری علیک
127- مگطوع ماصول
128-
🐪🐪 🐪🐪 🐪🐪 🐪🐪
____________________
الناس ابحزن ماجوده و منهم
ابجالك گوم سليهم و منهم
منهم من قضي نحبه و منهم
بغرامك ينتظر حتف المنيه
ملا محمد المایود
ومیض اسلافهن بین من الیل
عسجد ودرع ثغره من الیل
بهات الطلل خیلته من الیل
کشف عنی السحاب اوبان ضیه
ملا محمد المایود
وسع صبری اوبیت مجدی همعلی
صح والکن گلبی احسن هم علی
هم عمر طبعا احبه هم علی
لنبی لن عون چانو بلحیات
المرحم ستار صیاحی
ودی اشتم عطر دایم من هوا
وعگلی مالو منه ابدن من هوا
الراد ینشدنی حبیبک من هوا؟
انا محبوبی وطن ماهی فتات
المرحوم ستار صیاحی
ای وحگ اچفافی اهلنه والعگل
وسیوفنه واضیچ المضایف والعگل
یاهو خمد نار کسرا و العگل
رجله غیر ابن العرب بلموزمات
المرحوم ستار صیاحی
صولی یا دنیه علیه والعبی
وگلبی ابنیران غدرچ والعبی
ابقی افخر بلچفافی والعبی
حیث لبسنهن خواتی الماجدات
ستار صیاحی رحمه الله
من صرت للیوم چف ذل ماحبیت
ویخسه خصمی ایگول منک ما حیبیت
للمجد جیت اعله طولی ماحبیت
واصحت انا احوازی وخواتی احوازیات
المرحوم ستار صیاحی
کلنه خلونه انتواحد یقربا
حته حدنه یبقی محد یقربا
احنه تاریخ النه کلمن یقربا
مایجد شینه عگب طیبات
ستار صیاحی
ابصارمک لاتکرر حمه کربله
ومثل عودک گوم بیدک کربله
اترید اگلک یبن العرب کربله
گبل چانت وحده بس هسه میات
ستار رحمه الله
اشکی لیه الغیری لاکن لاتشک
همک ورمحک ابظهری لاتشک
انه اخوک ابهای قطعن لاتشک
وحطنی عد عیناک وسطه الموزمات
ستار رحمه الله
گلبی بس هم وماسی بیدرا
والی اطرف دنیه ساکن بیدرا
موقشیم ادری انه ملکی بیدرا
ودری سلبتهه چفوف الطاغیات
ستار ابو مختار رحمه الله
العتاب:
من عدنه مجــدنا الرحل حل وین
ابمچانه البی گبل نستشرحل ون
چنـّـه ابیوم چان المجـــــدحلوین
اوبگینه ابسگم من بعده وعذاب
یَهل الیمن لا شلـّت یمنکم
اعشگت ریح الصبه الغبشه یمنکم
أود اشتم شذه گهوة یمنکم
الحله فنجانها بید الاطیاب
أحبابي الشالو ابحالي یخلـّون
بچیت ومدمع اعیوني یخلـّون
مرض من عظم فرگاهم یخلـّون
ابچبدتي ونار مستعره وعذاب
المیمر:
وانه ابزغر سني الصدگ وديته
جبته الصديجي وللعدو وديته
واصلت زيني الكل هلي وديته
وما شفت منهم وفي اليتشكر
مايسله گلبي ابكل لهو مايلها
يفكر بالحمول الوقع مايلها
عطشانة روحي وماتبي مايلها
اتود من جدح عز ترتوي وبي تفخر
الموال:
لاتصحب انذال مذمومه الفعل بیهلک
صاحب نفل ومشي بالگبلگ مشو بیهلک
سیر ابسواني عگل ومشي بثگل بیهلک
عِز والچذب عیب وصدگ للگلت له نعم
ونعم عله المانعم ونعم عله الّي نعم
وحذر غدر کل صدیج البس لسانه نعم
مثل الیلدها نعم وبفاها سم بیهلک
المهداوی:
أحلفک بحیدر علي یا سعد جیتک موش إلي منتالي
چنت بزمانک خل إلي شخلّاک تخرب و خربت منتالي
ما خفت من زید الغبي الماصلّه کل عمره وخفت منتالي
للمصحف بمسجد قُـــبا وللـــــگصّه صبّـــح چـــــــاوي
یاصاح صیح العِز مشه وخبرِ العشیره المادرت ونبیها
دار الرحل عنها المجد لِلأسف بس ظل ینسمع ونبیها
گوم الکثر بیها الجهل ماتگدر اتنول الشرف ونبیها
یحوي الشرف بس المشه ابغیره وصبح غیراوي
اي والنبي موسی الخذه ألواحِ العلم مِنطوره
الونّ بحزن طوره انحرج طوره وخرج منطوره
ثایة مجدنا الچانت ابعین العگل منطوره
لیل الجهل مَسها بأسه وظلّم مجدها الضاوي
ابوذیه
حبیبی المن افراگه الگلب بیداء
حده الحادی ابظعنه وگطع بیداء
غصب بعدوه عنی ولون بیداء
حصل ضل منفصل وتصل بیه
تهلس سبگی شرتفع وَسمِه
اوظهرشیبی شصبغه ابصبغ وَسمِه
شبابي انسیت رسمه الفات وَسمِه
شبه نسمه الامس مرت علیه
یخـل من شط فهـــم خل یتم شرباک
ابجهل لیکون ینبــض عـرج شرباک
ابچف عز هز لوه وخل یرف شرباک
ابحومة شــــرف وبســــاحة حمیة
مایطره علی الخـــــاطر و لیعین
الماشدجــــــرح للصاحب ولیعین
الغـــده تچـّـآیتي ابضیجتی ولیعین
ابطریجي اهذاک فخري و ذخرلیـه
جمالک اجمـــل امن البدر وحله
اوریجک اعذب امن الشهد وحله
یگلولی طریجــــک صعب وحله
اوگلت لو بي یـَـمـُریسهل علیــه
حـــیدر ضربته وحــــده مثنّه
بـــــیها ومـا یـکرّرهــا مـثنّه
ابعلي یشچي الضُّعف والله مثنّه
نمثله بلیث یهدر بالثـنیّه
دریتو ابمفتي العشاگ شفته
فته ابشوفت حبیبي ورحت شفته
ابوله شفته ونشگته وبست شفته
شبگته وفاح منه المسچ لیّه
مدّه امن الأودّه اخبار ماین
عجب چیف اصبرت وشلون ماین
لیل إجفاه الأظلم ابد ماین
جلي الّه ابصبح شمسه المضیّه
علی الفات ادرمت شیفید درماي
الحظ ما حاش لي امن الصدف درماي
یگلّلولي اگربت للصید درماي
خطیته وگعدوا ایلومون بیّه
عنّي اشعطلک یاترف شلهاک
الگلبي المن جفاک انفزر شلهاک
غرگت اببحر شوگک وین شلهاک
او وین إنجاک ومحنتک علیّه
اتلول اردوف عندک موش تلبس
سبنّي وصرت اتلّ النفس تلبس
الشمس لوما یساهي العین تلبس
رداک إنچان ماتمت مضیّه
یگلبي الما وجدتک وکت تلهب
فرح بس بیک نار الحزن تلهب
شرایینک غدر دنیاي تلهب
زعل وشعل ضرام الحتف بیه
یدعج قصرت گصّرت شعراک
اشملذّک من چنت مستور شعراک
شوفي بحین وجهک علي شعراک
انطفه بیومٍ خطف جدمک علیّه
یناهي ابشم وجنتک علي من من
لجل تنزاح علتي الغدت من من
منّي من أهلک من الناس من من
تخطّر یاترف وگطعت بیّه
ها یذبل یذل الگلب هاذل
ابصدودک یالإلي تمیت هاذل
یمته اتمر وصیحن هاذ هاذل
هذل شوگي ونساني وغدر بیّه
ترف من یهل عاشرتک ولفتک
اشکع امعاینک صوبي ولفتک
ما تفتک گلت منّي ولفتک
مِنک بس لیش خنت الوعد بیّه
حبیبي بگعدته بحچیه بسمره
ابلفتـّه ابفترة اعیونه بسمره
جبرني وعفت کل امري بسمره
أطیعه وطاعته واجب علیّه
یصاح ارجوک عطل الترف لیشیل
یشل حالي تره ابفرگاه لیشیل
یبگه الما اریده اعلیش لیشیل
أریده ایرید یمشي ویخل بیّه
النظیف الما وکت تلگه ولیفه
الکثیف الما نزع کربه ولیفه
اللطیف الزین امدحنّه ولیفه
مودّه ودوم ودّه انطبع بیّه
مظیف امحبّة أهل الحسد حبّه
انچفه وبیدر چذبهم خفگ حبّه
الفــــاهم کل فتی الیفتهم حبّـه
او یبغضه الجاهل الیبغض خویّه
أبد میصیر ضرع الیبس کدّار
ولا ممکن یصیر الفحم کدّار
دار الذل ابـد متصـیر کدّار
الرفع بیهه الشهم رایة حمیّه
الفتنه المضت ماهي کلّفتنه
اِللّفتنه اکبر خساره کلفتنه
اختلف هالسلف وصبح کلفتنه
وجفتنه ایامنه الچانت زهیّه
سهر لیل الشته المسچین حیّه
ویون چالگرصته من الرگط حیّه
یاهو الساعده ومن بیه حیه
وإله منهو الدنه غیر المنیّه
الحي البي یحیّي المجد حطبه
ورفض حیّک البس خبث حطبه
شجر ذل الجهل بالعجل حطبه
نجس حمل الیحمله ونحس فیّه
أحِمده البالعگل ینشار وشّار
اشکره وأکره الشرّیر وشّار
أود کل من الحش الخیر وشّار
منایل سوء یتدهده ابهبیّه
العارف یلبس المعروف للشال
وعن یار السفیه الفضل للشال
الیفتگ لاتِحمده الحمد للشال
الفتگ والشال هم خِلّه وخویّه
الفخر لا للیگلک چان یدّاي
سخي کل وکت للمعروف یداي
الفخر لل گال تشطر کرم یدّای
وفیت الما وفوو وللوفو لیه
ماشدجرح للصاحب معصاب
الما صب شر شاجوره معصاب
یلهم حنظل الذله معصاب
الما مد ساعده وساعد خویه
انعجدت مشکله روحی شحلها
او حرام اتلچم جروحی شحلها
الفرحه الغدت مفگوده شحلها
اوشحلها بدار حزنی النشب بیه
اصیح اعلی الغزال التفت مایل
تفت و بعد علی سبعین مایل
ربه یمرتع حنینی وشرب مایل
الحنان و خان طیبی وغدر بیه
تفت گلبی تره یا ریم منتل
تفت واخشی الخصرینگطع منتل
اردوفک وارد اسئلک یغرّ منتل
مهه اشحچاک تبدی لی التحیه؟
ارجف خوف اظل و اختلس ویباس
من اصد لیک اثبت ابیا عزم ویباس
یدعج لا تظن الچبد ویباس
اشتعل کل الحشی من گطعت بیه
يعبله ادموعي دم دوم تنهيل
وجميع اعضاي من هَم هلچ تنهيل
ذكرتچ بالحرب من غدت تنهل
من ادماي الرماح السمهرية
احترگ روضی وتمرض ورگ وردای
ومدیم اکلی المأسی وقهر وردای
عجب چی مایوّج اردای وردای
لبسته اعله لظه التستعر بیه
القصیده:
""یا حمــامه""
یاحمامه الیدّعي مفجوع بالفرگه مهو بس بکلامه
یا حمامه الفارگ أحبابه ینوح اللیل کلّه ولاینامه
یاحمامه یاحمامه
:::::::::::::::::::::::
یاحمامه الما بکل النوح فوگ الدوح نحتي
یاحمامه الما بصوت الودّع الخلّان صحتي
یا حمامه الونتچ سویعه تونّیها وسکتتي
یا حمامه الما بعین السهرت من الهم سهرتي
یاحمامه الما بشفرة سیف الفراگ انجرحتي
یا حمامه الما بسچّینة حچي الواشي انذبحني
یاحمامه الما تصوّبتي بسهم عیله و وگعتي
یاحمامه الما عثرتي بلچمة المحنه وسگطتي
یا حمامه الما رکستي بموجة الحیره وطفحتي
یاحمامه النمتي فوگ الغصن مرتاحه وهجعتي
یاحمامه العلی فراش الروض شرقدتي ورگدتي
یاحمامه الما بجنح الشوگ للمعشوگ طرتي
یاحمامه الما بنار الواجها البین احترگتي
یا حمامه بعطبة الشوغات مایوم انلچعتي
یاحمامه الما درکتي الشوگ شنهو ولَفتهمتي
یا حمامه الما دقیقه بناب صِل لوعه انلسعتي
یاحمامه المانصبتي چواین الحرگه ولطمتي
یاحمامه البس بصابع چذب لِدمُوعچ مسحتي
یاحمامه بنوحچ الچذّاب حصّلتي اللیامه
والینوح بحرگه ذاک الهام بالبر وستمر نوحه وهیامه
یاحمامه یاحمامه
:::::::::::::::::::::::::
غَیري نوحچ یاحمامه وصیري للخنسه شبیها
یاحمامه الونّه من ونةِ المریضه المحّد الها تعمیها
نوحي مثل الأرمله البالمشنگه تلولح ولیها
نوحي مثل الفگدت العشره الضحی بیوم الکریها
لطمي مثل اللطمت علی ولیدها الراح من ادیها
ابچي مثل أختِ العَلی خوّانها تجدد بچیها
حشمي مثل العَلی الغیره تحشّم ومحّد یجیها
لوعي مثل الظَل علی اُمّه یلوع واُمّه مچتّفیها
سهري مثل السهرت بنَچباتها وذِلها وسبیها
صفني مثل الصفنت بحسباتها وفگدت حچیها
عِثري مثلالعثرت بلچماتها الأثّرت بیها
دنچوي مثل الغدت بگلیبها الیخذف چویها
نَزّلي الدمعه شبه دمع الیتیمه وحدّریها
طیحي مثل الهچع کوخ أطفالها وطایح علیها
اِنعي مثل النعت مهضومه ولا بطّل نعیها
وَعّي من النوم عینچ یالحمامه وفزّزیها
یاحمامه أرجوچ گصدي دیار ولفچ وِعتنیها
الگعده ویّا الولف حلوه وبلمسامرجدّدیها
یاحمامه الماتحن للوطن مجنونه وسفیها
یاحمامه الیحب یتعنّه الحبیبه ویترک بلاده وعمامه
ویمشي بدروب المخاطر لو علیه انسدّت ادروب السلامه
یاحمامه یاحمامه
یـــعبـــیــــس
یعبیّس حریمه العُمروخساره
دلیلي ابلیل مُظلم بَدلو إنهاره
یعبیّس دأیّس ما بگت خوّه
لِوَو ساعِد مجدها ابخُلُف وتلوّه
أمس تدري الأخو الما یستحي اشسوّه؟
گطع یمنة اعضیده و طبّر ایساره
یعبیّس دأیّس ما بگت غِیره
ولاچن چانت اِترش مجد بِالدّیره
عمل گطعِ المواصل هاذ تأثیره
یخلّي الگلب مچوي وتلتهب ناره
یعبیّس دأیّس ما بگت رِجّه
گِضت رجّةِ الخُوّه اشبعَد نِترجّه
أخوي ابن اُمّي ایدوّر عَلي حِجّه
زعل ما وصل بیتي و ما وکت زاره
یعبیّس دأیّس مامش امروّه
حِده الحادي ابظعَنها وللشَّرُگ نَوّه
ما شع نور منها و للسّلف ضوّه
و لا نشمي العلگ قندیلها ابداره
یعبیّس دأیّس مامش امحنّة
و لاچن بِالصرایف چانت وچنّه
صَگُرها الأمس حلّگ أیّست مِنّه
خذاها و طاربیها و طارت أخباره
یعبیّس دأیّس ما بگت یُوره
ونصحک صُحبَةِ الجیران مخطوره
أخو امطشّر سَماح الراح أمس ثوره
لِگاه امطبّره ابطُبرَه الکلف یاره
یعبیِّس دأیّس ما بگت راحه
ولا حتّه لَطفال ابلعب مرتاحه
ذبل ورد الطّفوله و یبس قدّاحه
یوَسفه وصار ینثُر نار نُوّاره
یعبیّس دِأیّس ما بگت وِنسه
و ظن عاد ابصخرنا الدّهروالخنسه
سبانه الما مِثل جنس البشر جنسه
غِزانه ابرمح صیحه وخنجر اشهاره
یعبیّس دأیّس ما تهب نسمه
تحرّک میت دیرتنه و تهز جسمه
یوَسفه المجد بس ظل نحچي ابإسمه
ولکن راح رسمه وراحت آثاره
یعبیّس دأیّس ما بگت رحمه
صدیجي الچان گلبه أبیض صُبَح فحمه
هلي الفرکنو گلبي و ذوّبو شحمه
جفوني و صبَّحِت محتار بِالحاره
یعبیّس دأیّس ما بگت عِفّه
طفح موح السّفاها وزاحَم الچفّه
ابکل دوني وسفیه النّاس محتفّه
تِوِد تمشي ابخدمته وتلزم اکتاره
یعبیّس دأیّس ما بگت صحّه
حیاتي اتجر جدمها ابقهر و تسحَّه
عله گطب المشاکل باتت الرّحّه
تدور و طاگها اذراع الصّبر داره
یعبیّس دأیّس ما بگت لذّه
محال ایشوف لذّه الدوم یتأذّه
یصاحب والبگه ابحسرات یتغذّه
یود ابلحد گبر الموت یتواره
یعبیّس دأيّس ما بگت حِیله
شسوّي الحِمِل همّي المحّد ایشیله
و منهو ایساعده و منهو الیتچّیله
فقیر الباد حیله و گلّت أنصاره
یعبیّس دأیّس شحّت الحاجه
علینه و نار یَمرالضّیج وهّاجه
کتلنه الضّیج وَدري الضّیج مِنهاجه
یضیج اعله الأبي المعروف شنیاره
یعبیّس دأیّس ما تصح عونه
فگدنه الینتخي و أیسو الینخونه
گبل یتونّس النّشمي الیفزعونه
قنع بگلاص ماي و چاي و جگاره
یعبیّس دأیّس ما بگت فرحه
گبل چانت ابعِزنه الهدّمو صَرحه
گلب مجد العشیره البیه ألف قرحه
دمه جرحه اعله متن الموت یتجاره
یعبیّس دأیّس ما بگت نخوه
حِزمها الوکت رخّاها وغدت رخوه
خُوه و سوّس عَمَد وجدانها و یخوه
بعد و یطیح قدره و یِگُل عتباره
یعبیّس دأیّس ما بگت نسبه
نسیب الصار ذیب اشلون أخو اتحسبه
دحط بالک حلالک عزّم ایچسبه؟
و لو صدّیت عنّه ایشنّک ابغاره
یعبیّس دأیّس ما تصح گعده
لذیذه و شوگنه ایودّ السّمَر بعده
گبل چنّه ابسوالف سعد و بسعده
نسولف بِالمضیف الزهه ابخطّاره
یعبیّس دأیّس ما بگت عِشره
گبل چانت العشره ابطیب منتشره
عَشیرالسّاع لِلشّر منیله اموشره
یحش ایرید روض السّلف وَ زهاره
یعبیّس دأیّس ما بگت عِزّه
چووها ولچّعوها ابنار الموزّه
یذل الما لزم رمحه ابوغه و هزّه
و لا رزّه ابچبد شرّیر و شراره
یعبیّس دأیّس ما بگت شیمه
تصدّع بیت عزها وصعب ترمیمه
عند أهل القِیَم چانت لها قیمه
عظیمه و للأسف صبّحت منهاره
یعبیّس دقیّس و ذکر اللّمّه
من اتفزعَک الغیره و تفزع ابهمّه
گبل طبع العشیره المنتخه اتذمّه
و لا تحترم دمّه و تاخذ ابثاره
یعبیّس دقیّس وِ فکر ابگومي
الغلّو سوم غیري و رخّصو سومي
أخوتي السهّروني و طیّرو نومي
حَسَدهم ابشط امن اسیوف بتّاره
یعبیّس بعد ما تصح تسیورَه
و لا ینزار بیتي و محّد ایزوره
گبل بیتِ الشَعَر بِالشِّعِرشع نوره
حلت دلّة گهوته و حلو سُمّاره
یعبیّس أذیّه و مُشکله و دوخه
حیاة المبتلي ابدنیاه و فروخه
أمس ظل محتمس ناهي الکفخ کوخه
هوه صَرصَر بلوته و طیّر اهطاره
یعبیّس شسیّس لو وگع بیتي
عَلَي و بتاگت من الخِرج خرجیتي
گبل چنت آنه وِبراهیم و سبیتي
نسیّس بیت عِزنا و نرفع استاره
یعبیّس امسیّس ظل فکر بالي
و لا ظن گلب نشمي من القهرخالي
خل اتسلّه ابقصیدي وبیت موّالي
ولا بالي ابکلام الزعل وَشعاره
یعبیّس الکیّس چیّس أسراري
أخاف اتبوح بیها و تنهدم داري
خل امضي ابشرف وَگضي وخل تظل ناري
تشب بَگصه الگلب وتصیر گبّاره
یعبیّس ثگلنا اتبدّل ابخفّه
دوَت نیران شرنه اشبعد تتطفّه؟
عملنا الظهر بِالشّر چیف یتخفّه؟
ظهر و شتهر قبحه و بینت أسراره
یعبیّس و لِیود النّبي و دینه
یتابع مسلکه و شرعه و قوانینه
و لا یرضي النّبي و لا بعد یرضینه
عمل شخص الجبان الیفخر ابعاره
وحک روحی التعزک والتهابک
جمربعدک حرکنی والتهابک
هایم بیک عگلی والتهبیک
** چضب مثلک عزیز ایصیر الیه**
هایذبل یذل الگلب هاذل
ابصدودک یالإلي تمیت هاذل
یمته اتمر وصیحن هاذ هاذل
هذل شوگي ونساني وغدر بیّه
مله فاضل السکراني
ترف من یهل عاشرتک ولفتک
اشکع امعاینک صوبي ولفتک
ما تفتک گلت منّي ولفتک
مِنک لیش خنت الوعد بیّه
ملا فاضل السکراني
حبیبي بگعدته بحچیه بسمره
ابلفتـّه ابفترة اعیونه بسمره
جبرني وعفت کل امري بسمره
أطیعه وطاعته واجب علیّه
ملا فاضل السکراني
یصاح ارجوک عطل الترف لیشیل
یشل حالي تره ابفرگاه لیشیل
یبگه الما اریده اعلیش لیشیل
أریده ایرید یمشي ویخل بیّه
ملا فاضل السکراني
امیر الابوذیه ملا فاضل السکرانی
سیرة حیات ملا فاضل السکرانی {امیر الابوذیه}
الشاعر الملا فاضل بن یعقوب السکرانی الطائی: شاعر مجید من اشهر شعراءالاهواز ولد فی (الفلاحیة) سنة 1340 هـ.ق الموافق سنة 1302ش.هـ و هی مدینة تاریخیة لم تخلو عبر تاریخها من الادباء و الشعراء والمؤرخین و اللغویین ابرزهم ابن السكیت الاهوازی و الحاج هاشم الكعبی الدورقی و غیرهم. كان شاعرنا منذ طفولته مولعا بالشعر والادب و یحضر الاحتفالات الادبیة التی تقام بالمناسبات و یسمع من شعرائها و أدبائها الأناشید الأدبیة والتواشیح الدینیة. نظّم الشعر فی مبکر عمره و هو فی سن الحادی عشر حتى اصبح شاعرا کبیرا و تفنن فی نظم الابوذیة حتى سمی بعمید الابوذیه. و قد تجاوزت شهرته الحدود الایرانیة فشعره فی غایة الحسن و الجمال من حیث النظم الفنی و الصور الشعریة الجمیلة حتى بلغ مستواه الفنی الى ما انشده کبار الشعراء فی الوطن و خارجه على رقة و عذوبة اشعاره الشعبیة. وصل الیه الشعر وراثة من ابیه و مجالسته مع الادباء و انتقل الى ابناءه. له اكثر من 2500 بیت شعر فی الوجدانیات و الاخلاقیات و الاجتماعیات و الهجاء و الرثاء. نبذة مختصره عن حیاة الشاعر بقلم نجله الشاعر مهدی السکرانی: انه الشاعر المعروف والأدیب الموصوف الأستاذ فاضل بن المرحوم یعقوب السكرانی و إن شهرته بین الناس و وفی اواسط المجتمع مله فاضل السكرانی إن كنیته أبو مهدی فاسمه تفصیلا هو : فأضل بن الحاج یعقوب بن الحاج عاشور بن سكران بن عثمان بن محمد بن احمد بن فیحان بن سیحان بن ثابت و ثابت هو بطن من بطون شمر الطائیة القحطانیة الغنیة عن التعریف . ولد صاحب الدیوان فی الدورق (الفلاحیة) و إن تاریخ میلاده كان فی غرة محرم الحرام سنة1340 هجریة قمریة الموافق سنة 1302شمسیه . كان شاعرنا منذ طفولته مولعا بالشعر والادب و یحضر الاحتفالات الاجتماعیة التی تقام بالمناسبات یسمع من شعراء ها و أدبائها الأناشید الأدبیة والتواشیح الدینیة . تعلم فی بدایة طفولته القرائة الصحیحة للقران الكریم على ید احد الملالی المعروفین فی المنطقة إذ لم تكن آنذاك توجد مدارس للتعلیم بعد ذلك تعلم كتابة الخط العربی و قرائة أنواع القصائد الشعریة و حفظها و طریقة انشادها علی ید أستاذه الفاضل المرحوم السید رضا بن المرحوم السید صالح ابراهیمی رحمة الله علیه و فی الواقع كان سیدنا المذكور معروفأ بحسن الأخلاق والفضل و جودة الخط و كان یود التعلیم والتهذیب لكافة ابناء الحارة فله الفضل الأكبر على شاعرنا اذ هو الحجر الاساس لبناء شخصیته الادبیة و الثقافیة و فی سن الثامنة من عمره دخل المدرسة التی فتحت اول مرة فی تاریخ الدورق و فی سنة 1315 شمسیة حصل على شهادة الصف السادس الابتدائی بتقدیر عال و كانت هذه الشهادة انذاك تعد اكبر شهادة دراسیة. اكتسب شاعرنا موهبته الشعریة اضافة غریزته الذاتیة اکتسبها وراثة من والده الشاعر المرحوم الحاج یعقوب السكرانی.اخی القاری كما ذكرت انفا كانت لشاعرنا نشاطات ادبیة و محاضرات اجتماعیة واسعة و قد سجلت له ذكریات مشهورة و مواقف مشكورة فی المناسبات العامة و الخاصة كالموالید و الوفیات وفی جمیع المجالات.نعم كانت هذه نبذة مختصرة عن حیاة شاعرنا الاستاذ ملا فاضل بن المرحوم یعقوب السكرانی المعروف بشخصیته المرموقة امعززة اطال الله عمره الشریف و كثر من امثاله و قبل ان اودعك ایها القاری الكریم بقی لی ان اقول لك و بكل صدق و اخلاص ان لشاعرنا الكبیر الفضل و كل الفضل لما قام به من تضحیات جسام على مدى هذه الفترة الطویلة من عمره فی توسیع رقعة لغة الشعر و تنوعها و تطورها اذ صارت بفضله الكثیر من ابناء بلده شعراء تعلموا منه اوزان الشعر و معانیه فمن كان منهم بالامس لا یقیم وزنا للشعر و لا یدری ما طعمه وما لذته قد اصبح شاعر و عاشقا للشعر ینهل من معینه و یأكل من ثمار جنانه بكل رغبة و لهفة و اشتیاق و شكرامهدی ملا فاضل السكرانی.
صبرت اشما غدر دهري بسحنه
الظهر و انسحنت اظلوعي بسحنه
اظن من دون خلگ الله بسحنه
انتلاوه اويل عسر صبح و مسيه
الشاعر اسماعيل الضبي
إذا غثک خصم و آنه حيوصل
وأشرب أعداک سم مشرک حيوصل
لخوي أبني بوسط گلبي حيوصل
الرحم نهجي و عضيدي اعيون ليه
الشاعر اسماعيل الضبي (مسعودي)
افاعی التفن ابهجرك ستوصل
علی ولجسم سونه ستوصل
من اموتن حتمأ اخباری ستوصل
الك واعلم جفاك الفتک بیه
الشاعر اسماعیل الضبی
وکتنه اغصون عزتنه عواهن
صفینه بنخل أهالینه عواهن
عدونه أصوات میشومه عواهن
بأرضنه ولفلف البیهم حمیه
الشاعر اسماعیل الظبی
علیهم تعب جدمی منسفرتی
و ابد منسه عذابی منسفرتی
الملح عزمت اشیله منسفرتی
لأن ما عثر الیگصون بیه
الشاعر اسماعیل الضبی
من احروف العشق وکتی فصلعین
تعال الشق بقی ایغثنی فصلعین
اخلّی المحبسک شَذره فص العین
و ارد العین الک والشق سویه
للشاعر اسماعیل الضبی
قهرنی بیـــــوم جار الوکت صمتل
حبیـــب وصار همی الچان صمتل
اضربت عن الطعام و گلت صمتل
عمر لمن یــــــرد صــــــوته علیه
اسماعیل الضبی
ابـــــوح اســــرار گلبـــــی منه ضمها
وتلــــوی الروح گامـــــت منهضمها
حرت مدری اطخ للذل منهض ام ها
علی الزینیــن اصیـــــــح ابهل قضیه
الشاعر اسماعیل الضبی
اذوبن بیک بیک اخلص بکفنه
اونجیک ارواح مرحونه بکفنه
ماعوفک لمن جســـمی بکفنه
ایتلفلف لو ســـــره الیناز بیه
اسماعیل الضبی
تگلی ابطـــــل نــــــزلهم طل شطلما
اشوفن والدمــــع حافـــــــر شطلما
ابوجنتی او ضعن النودهم شطلما
خذانی او من صــــحت مارد علیه
اسماعیل الضبی
تعال نجــــدد البیـــعه وخنس
تمر والگمـر شاهدنا وخنس
نضد الخان میــثاقه وخنس
بدواهی الدهــر ماله قابلیه
اسماعیل الضبی
لحگ گلبـــــی بودادک یوم طبا
مرض حیر طبیــبی وعجز طبا
هلک صاحو علیه وطحت طبا
تفشکل سبــــگی وما طار بیه
اسماعیل الضبی
الأسي شماابتعد منـه يمداني
سلب عزمي بمحنتـه يمداني
طحت طخيت للذل يمداني
شجاني و ضيعت حقي بديه
اسماعيل الضبي
ابـــد منسه جـــرحــهم والمـلالا
ولا تـــحصل مــعاهــم والمـلالا
الشحن گلبی مصایب و الملالا
اریـــده ولا احــب دشته علیه
اسماعیل المسعودی الضبی
عزمنه البی ظفـــرنه و الگطعنه
سلاسل صفه الغشنه و الگطعنه
چنت ما ظن اطیحن و الگطعنه
امن اخوی البل کلافه ایلوذ بیه
من کلمات اسماعیل الضبی
بعد ما بیه حیـــــــل امطال وکتل
اسای البالگلب والصار وک تل
أما آن الاوان و حــــان وکت ال
وصل و تزیح ظیـــم جفاک الیه
اهنا یالچان یــــــــــــلهج دوم بسما
لسانی وگلبی چان یطیـــــــر بسما
کلشی آنه احسبتله حساب بس ما
حسبتک یـــــــوم تنطی اعدای بیه
عادل حمادی
بیت بوذیه حبیبی ودلی
وقید اشما یحب گلبک ودلی
لوتکض سعف المحبه ودلی
چا کلینه اثنینه امن البرحیات
سیدعادل الرفاعی
لون ندری ابوداعک ماهوینه
وعمرنه الفات میت ماهوینه
شهر واسبوع اتانی ماهوینه
ظعنکم لیش مابین علیه
سیدعادل الرفاعی
اخذ من نار البروحی فحملاک
ومثل الطیر فرگلبی فحملاک
الک یلی شلت حملی فحملاک
اشیلنه اعله راسی ابهای ادیه
سیدعادل الرفاعی
اما تسمع کسر گلبی ونحبی
علیک وعاندت وکتی ونحبی
اذا شدیت انه ابرحلی ونحبی
گضه مسول انته ابهل قضیه
سیدعادل الرفاعی
سهم هجرک نبت بحشای ومضه
یمن تذکار خطک ضال ومضه
قید هات الک وابیات ومضه
وقصاید شوگ بس اترد علیه
سیدعادل الرفاعی
تهیل ابهم اگضی الیل وبلای
وجریب اخلص من الحسبات وبلای
الخلگ رکبت ابلهه وسرت وبلای
من اردات الوفگ مانهض بیه
سیدعادل الرفاعی
سواد المقله حت وحچي بكاماي،،،
جفني ومسحي موبصبع بكاماي،،،
ابچم اي الهجر انعه بكاماي،،،
الهجر مني هجر ولفي ابشجيه.
ك.محمدعلي الصاكي
ایدی اویه الربع بیضه
کموسل
نبی وبصفه الوفه ارجه
کموسل
اللمس جفنی مظن یمسح
کموسل
حلاقه وحلق فص مودمع لیه.
ک ..محمدعلی الصاکی
اه اببطن اه الگلب
یرته
ابنهد ماحمل ویل الولف
یرته
بناک اتهون للمگروص
یرته
الحبل واشلون اثق بی موش حیه.
ک محمدعلی الصاکی
حطب چانونی لتوبه
ولعتب
لسانی وگلت ماسولف
ولعتب
ابساسه المابنه الرجه
ولعتب
طوفه وهیچ طوفه اتضل رخیه.
ک محمدعلی الصاکی
إلنفس جف ماهب إبریتی بطبلک@
إلنبض یرجه إبهواء إقدومک بطبلک@
إبحلم هجرک صحت زفه بطبلک@
إختفه نفسی الفحص مافاد بیه.
ک.محمدعلی الصاکی
اتکتریا دهر منی وکهرب@
شرک یلگف ابگلبی وکهرب@
افلست اسویحلی امنیدی وکهرب@
وصرت خرزت نکب وتعم علیه.
ک:محمدعلی الصاکی
غزامی او من أسه افراگک کرنتل@
فرح ساجم دمع جفنی کرنتل@
صده لطمی یرن بذنک کرنتل@
هاون تلذ تملی إنوح بیه.
ک:محمدعلی الصاکی
ابعسرالحصرخلانی فتوحت@
الی ومن طحت بچبودی فتوحت@
ال حمزه ابچتله مومثلی فتوحت@
الجلد من جسمی شرعن کلو بیه.
ک:محمدعلی الصاکی
حال الجفن من تجفی ملئما@
ابسدانه وحادثت حزنی ملئما@
اچذبه الضاگ من جوری ملئما@
بلش لو راوی ناقل قصص لیه.
ک:محمدعلی الصاکی
ابلطم دگ الغزم روحی تکرمش،،،
جبل لامو جبل لوحن تکرمش،،،
تری وجلد الارض کله تکرمش،،،
ابحدی نوحی وغدت بجفاک عیه.
ک.محمدعلی الصاکی
بل اِسوه اِبدعت ولولف بلقس،،،
وَلي ودلالي اِله صب قصر بلقس،،،
مضرم سهم حقده اِنرمه بلقس،،،
ملك چن من جهنم نفخ بيه.
ك.محمدعلي الصاكي
إبرای إلغیر یحفر مویلکراک&
شجا مایک جزر مد مویلکراک&
یدهری ارداف چفک مویلکراک&
جدم مره و أگول اشتبه بیه.
ک:محمدعلی الصاکی
إبلهو إلون کبر عمری لم عقارب؟
وضاعه ولا عله إلسن لم عقارب؟
إبصحرا وعشب مامش لم عقارب؟
صفر وأحتاج نار إتعین بیه
.ک:محمدعلی الصاکی
مریض او یدری ولفی حس بسعفه&
إبصدوده وحیف أسمع حس بسعفه&
إبنخل مثمر کله وگص حس بسعفه&
گاع وگعد یعدل طبگ بیه.
ک:محمدعلی الصاکی
إنحصر ورگی اویه عودی حل مضالک&
إبحبل جنب دعف حن حل مضالک&
إبخریف إجفاک جرنی حل مضالک&
أذه إتگلی و ربیعک گطع بیه.
ک:محمدعلی الصاکی
إبنشیق إنعای إلک طر هزلی بیده&
دلف سوط إجفه إعلم هزلی بیده&
إبصحوت موتی لو ما هزلی بیده&
قضائک رد فلا صد برزخیه.
ک:محمدعلی الصاکی
صریم إلوسن لو مر صدمه صائب&
جفنی و کرکوابس صدمصائب&
أیا نمرود سهمک صدمصائب&
غرامی وقشمرک شیطان بیه.
ک:محمدعلی الصاکی.
أیا چف جفه إلمنصم ختم المسک&
إمهره أبچف صفه وحط ختم ألمسک&
مثل عود وگلتلک ختم ألمساک&
حرگ بعد إلکسرلو تخل بیه
.ک:محمدعلی الصاکی
إبصحاری إفراگه مدمن موسملعی&
وصل وسری ولو هب موسملعی&
إذا من قوم ولفی موسملعی&
ذنب هجرا أقسه من فرعون الیه.
ک:محمدعلی الصاکی
صرت صحرا إبهواک وکبر عشبأی&
یهجرک کسر کاس آمال عشبای&
نسر چل من وداعک شاد عش بأی&
ذنب ومخالبه إتکاربن بیه.
ک:محمدعلی الصاکی
: إقرأت وسواس عاذل وجهنملک&
إبهجر وج ملک جنتی وجهنملک&
إنخبط بتراب لحدی وجهنملک&
کله إبعظمی ونبش چم بیت بیه.
ک:محمدعلی الصاکی
غده ابمرهف جفه ايحد شوكلادود
ولفي وحز باسه وشچ شوكلادود
طحت كف عودي شنطر شوكلادود
الگرط عصت نبي اسليمان بيه
ك.محمدعلي الصاكي
اصر يا سر محنتي
وكتي ميسر
اعسرت شوگد مدبره
وكتي ميسر
ابگضي المعشر غلبني
وكتي ميسر
گطع خبزه وقهر ايتام بيه
ك.محمدعلي الصاكي
اذري ابچبدي ماتدري
شذرلك
صقت فص عيني الك يدعج شذرلك
هاتگطع ورگ غصني
شذرلك
عمرمانفع وتحت حيل بيه
ك.محمدعلي الصاكي
الاسه ابعظمی ترعرع موش رمین
ابدفع کاروکی مو چف یهز رمین
اجنود ایتام بیه اعسرت رمین
غلب لو امر شیب العوز بیه.
ک..محمدعلی الصاکی
اِله تالی دفن شوگی معادم,,,
حشر ونطرحساب الله معادم,,,
اِشبگه اِلخیط اِنفس واَرجه معادم,,,
اِنگرض من رفض ولفی ایعود الیه.
ک؛محمدعلی الصاکی
جزر زف عذب شوگی مد رجل ود
نهر وبهلک روحی مد رجل ود
الولف موشاف شارک مد رجل ود
ابطمامی و ذر رمل صحرا علیه.
ک.محمدعلی الصاکی
اِشراع اِضیاعی رفرفلک بدیمای
اِلسفن هجرک گرب حتفی بدیمای
دحط مرساک بیدی اَنجه بدیمای
غریجی او دنی مجرا اجفاک الیه.
ک..محمدعلی الصاکی
سمه اِلعفّه اِلحفر اَرذل مقامات
اَبد! ویمس بحر یملک مقامات
اِلنبیل اِبشعره یشفی اِلحی مقامات
اِلمرضه اَطباع اِله ونفسه اِلخزیه.
ک؛محمدعلی الصاکی
حصول مهرجان لیالي رمضان للشعر الشعبي الاهوازي علی جائزة
ابرز البرامج الادبیه فی مهرجان عرب لاب فی دورته السادسه في
بغداد و بعد تقییم ادارة المهرجان من بغداد..عَمان..القاهره لهذا
العمل و فوزه بهذا اللقب مبروك للشعب الاهوازي و لمؤسسة
میثاق السلام و شهاب البلّاوی و عادل الصخراوی شکراً لفنون
الاهواز و انجازاتها العالمیه ... عاشت فنون الاهواز و عاش شعبنا و
صناع المستحیل